A CIG revalidou a maioría absoluta entre o persoal dos almacéns nas eleccións celebradas recentemente na instalación central de distribución do Grupo Gadisa en Piadela (Betanzos). A pesar de que por primeira vez se presentaban a estas eleccións catro alternativas, a candidatura da central nacionalista conseguiu atraer máis votos co resto das outras tres xuntas.

A Confederación Intersindical Galega (CIG) obtivo a vitoria nas eleccións sindicais celebradas recentemente na empresa Samyl, dedicada á limpeza dos edificios públicos e colexios de Narón, San Sadurniño e na central térmica das Pontes.

A Confederación Intersindical Galega (CIG) venceu nas eleccións sindicais celebradas recentemente en Forbos Adhesives Spain ao sumar un delegado/a máis que CCOO. Deste xeito, a central nacionalista acadou tres dos cinco representantes que se escollían no comité da empresa con sede en Mos.

Máis de 2.000 traballadores/as estaban chamados ás urnas na rede de distribución comercial do Grupo GADIS en 90 centros espallados por toda a provincia coruñesa, nunhas eleccións nas que a CIG conseguiu un resultado espectacular ao obter máis do 40% do apoio do persoal, o que supón uns 600 votos e 9 delegados/as. Dende a Federación de Servizos valoran especialmente este resultado, xa que o proceso desenvolveuse baixo as habituais presións e os intentos da dirección por prexudicar o sindicato nacionalista a través da influencia dos encargados no voto, da contratación a última hora para inflar o censo, de se celebraren as eleccións en período de vacacións ou da difusión de mensaxes apocalípticas no caso de que gañase CIG.

A CIG conseguiu 30 delegados/as (15 en laborais e outros/as 15 entre o persoal funcionario) dos/as 116 que se elixían nas eleccións de Correos celebradas o pasado 28 de xuño. Con este resultado, a central nacionalista obtén o 25% da representación, a pesar da redución considerábel do número de votantes e delegados/as.

A Confederación Intersindical Galega manifesta a súa satisfacción polos resultados obtidos nas eleccións sindicais na empresa SERUNIÓN na provincia da Coruña. A empresa dedícase fundamentalmente á xestión dos comedores escolares e comedores en distintas empresas e entidades da provincia. O Comité, de nova creación, conta con 13 representantes, dos cales a CIG obtivo e a UGT os restantes.

Cunha ampla participación dos traballadores e traballadoras (votaron 104 dos 106 que forman parte do cadro de persoal), a candidatura da CIG foi a máis votada, con 67 votos, fronte aos 28 obtidos por UGT. Con estes resultados increméntase o número de votos e de representantes da central sindical obtidos nas eleccións celebradas hai catro anos, onde con 97 votantes, a CIG acadou 5 delegados/as (52 votos) e UGT 4 delegados/as (41 votos).