A CIG-Saúde revalidou a súa presenza no Comité de empresa do Hospital Santa Teresa da Coruña ao obter 9 dos/as 13 delegados/as que se elixían nas eleccións celebradas o mércores 22 de xuño. Con este resultado, a CIG-Saúde consolida a maioría absoluta e mantense como primeira forza sindical neste centro.

A CIG obtivo 8 delegados/as nas eleccións celebradas o 21 de xuño nos centros do Imserso da Coruña (CAMF de Ferrol e CPAP de Bergondo), manténdose como primeira forza sindical no Comité de empresa e reforzando a súa maioría absoluta ao conseguir un representantes máis.

A CIG conseguiu incrementar a súa representación en Navantia Ferrol e manter o número de delegados de Fene nas eleccións celebradas o xoves 16 de xuño nos estaleiros públicos da ría. A central sindical acada así 6 representantes e consolida a súa presenza na antiga Bazán, mentres que mantén os 2 delegados do estaleiro do Perlío.

A CIG acadou 10 dos 13 representantes no comité de empresa de CONGALSA, conseguindo así a maioría absoluta nas eleccións sindicais celebradas o pasado luns 14 de xuño e consolidándose como primeira forza nesta importante empresa do Barbanza. Un proceso no que participaron 219 traballadores, dun cadro de persoal de 275, e no que CCOO e UGT non conseguiron, no Colexio de Especialistas, na área de produción, non chegaron a acadar sequera o mesmo número de votos que candidatos presentaban.

A CIG entra de novo no comité de empresa da Consellaría de Traballo e Benestar na Coruña e o fai como primeira forza sindical, despois de estar 4 anos fóra do comité. Con este resultado, a central sindical pasa de ser a terceira forza nesta Consellaría a ser a forza máis votada e con máis número de delegados.

Despois de gañar as elección sindicais ás Xuntas de Persoal funcionario, celebradas o día 14 de abril onde a CIG obtivo 42 delegados aumentando en 9 respecto ao 2007, e consolidándose como primeira forza sindical, no día de hoxe veñen de rematar os procesos electorais aos comités de empresa da Xunta, que comezaron en novembro nas consellaría de Facenda e de Economía e Industria, e remataron hoxe coas eleccións ao comité de empresa de Sanidade en Ourense onde a CIG entra por primeira vez cun delegado dos cinco elixidos.

A Confederación Intersindical Galega logrou representación no comité de empresa de Gadis da provincia de Pontevedra a primeira vez que foi quen de conformar unha candidatura e obtivo dúas delegadas/as nas eleccións sindicais celebradas recentemente. A federación de Servizos sumou 80 votos nunha consulta marcada polas presións e ameazas exercidas por parte da empresa de alimentación contra os integrantes da lista da central galega.