A Confederación Intersindical Galega terá tres delegados no comité de empresa da louseira Canteras Fernández (Cafersa) despois do apoio recibido nas eleccións sindicais celebradas recentemente. A central nacionalista consegue representación por primeira vez na compañía ourensá a pesar das presións exercidas pola dirección aos seus candidatos e sobre os propios traballadores e traballadoras para que votaran a candidatura da UGT, o que se traduciu na consecución de seis delegados/as.

A federación de Químicas e Enerxía da CIG logrou rematar con 20 anos de hexemonía da UGT na compañía porriñesa CZ Veterinaria ao acadar sete dos nove delegados/as do comité de empresa nas eleccións sindicais celebradas recentemente. A central nacionalista obtivo un total de 77 votos fronte aos 26 que sumou a candidatura presentada polo sindicato español, que até o de agora ostentaba os nove representantes.

Altia, empresa de consultoría e prestación de servizos TIC, vén de despedir a 5 traballadores que, casualmente, forman parte da candidatura que presentou a CIG ás eleccións sindicais (dous que xa estaban comunicados á empresa e tres que se comunicaron posteriormente). Estes despedimentos prodúcense aos seis meses da empresa saír a bolsa e de ser a única do mercado alternativo bursátil (MAB) que repartiu dividendos.

A dirección de Canteras Fernández (Cafersa) volveu impedir que representantes da CIG entraran nas instalacións da empresa para celebrar unha asemblea informativa cos traballadores/as na súa hora de descanso. A Consellería de Traballo validou recentemente a candidatura da CIG ás eleccións sindicais na compañía despois do laudo presentado pola Unión Local de Valdeorras contra a decisión da mesa electoral de deixar fóra a súa lista. A decisión retrotrae o proceso á proclamación das candidaturas.

O pasado 25 de maio celebráronse as eleccións no centro de traballo de Axa Seguros en Vigo, desta volta eran tres as candidaturas que competían neste proceso, unha máis que hai catro anos. Porén, a CIG revalidou a súa maioría conseguindo 3 dos 5 delegados/as en xogo.

A CIG vén de converterse no sindicato maioritario no Comité de empresa do persoal laboral do Concello de Betanzos, logo de obter cinco dos nove delegados/as que se elixían nas eleccións celebradas o luns 30 de maio.

A Consellería de Traballo vén de validar a candidatura da CIG ás eleccións sindicais na empresa Canteras Fernández (Cafersa), despois do laudo presentado pola Unión Local de Valdeorras contra a decisión da mesa electoral de deixar fóra a súa lista. A decisión, contra a que cabe recurso diante do Xulgado do Social, retrotrae o proceso á proclamación das listas.