A Confederación Intersindical Galega apoia a xornada de mobilizacións que se desenvolverá este xoves 11 de outubro, en contra dos recortes que están a aplicar os gobernos do PP no ensino público. As protestas, convocadas en Galiza pola Liga Estudantil Galega, Comités e Agir, desenvolveranse de xeito paralelo nas distintas Autonomías, coincidindo coa Xornada Internacional de Loita Estudantil.

O anteproxecto de reforma educativa aprobado este venres no Consello de Ministro é unha proposta recentralizadora na medida en que usurpa competencias dos Gobernos autonómicos, denuncia a CIG-Ensino. A proposta reduce dun 45% ao 35% o dereito para fixar currículos que até o de agora lle asistía á Consellaría de Educación e expulsará do sistema educativo a aquel alumnado con maiores dificultades.

As protestas contra os recortes trasladáronse este venres á inauguración do curso universitario no paraninfo da Universidade da Coruña cunha concentración de alumando e profesorado na que participou tamén a CIG-Ensino. Neste acto, o Secretario Nacional da CIG-Ensino, Anxo Louzao, denunciou que a política educativa do PP pon en perigo o mantemento do ensino como servizo público universal.

Este curso escolar evidenciou que as medidas adoptadas nos últimos anos foron demoledoras para o ensino público. Así o denunciou hoxe a CIG-Ensino nunha rolda de prensa na que o seu Secretario Nacional, Anxo Louzao, afirmou que nunca o ensino público recibiu tantos e tan graves ataques e recortes, nunha Lexislatura que cualificou como “trienio negro”. “Asistimos ao desmantelamento permanente da educación como servizo público universal e á destrución de emprego e padecemos unha política educativa orientada á mercantilización e posta ao servizo da patronal da privada concertada. Esta aposta pola privada concertada faise cada día máis patente”, engadiu.

A Consellaría de Educación vén de remitir o borrador de Calendario Escolar para o curso 2012-2013 que se debaterá na Mesa Sectorial do vindeiro luns 11 de xuño, e na que a CIG-Ensino defenderá, entre outras cousas, a recuperación da xornada matinal reducida en xuño e setembro, a institucionalización do 24 de febreiro como o Día de Rosalía ou que o calendario nas EEOOII non comece até rematar o mes de setembro.

A Plataforma Galega en Defensa do Ensino Público fai un chamamento á sociedade para que asista de xeito masivo á manifestación que se celebrará o próximo 3 de xuño, en Santiago de Compostela, con saída ás 12.00 h. da Alameda, e que confluirá coa convocada en defensa da sanidade pública.

Os peches en contra dos recortes no ensino público trasladáronse na tarde do xoves ao IES Nº 1 de Ribeira e ao IES Alfredo Brañas de Carballo, onde ducias de persoas tomaron parte na acción reivindicativa. A convocatoria da Plataforma Galega en Defensa do Ensino Público, que se iniciou o 14 de maio, remata hoxe venres, 1 de xuño, cun encerro na Xefatura Territorial de Educación de Ourense.