A CIG-Servizos de Ferrol ten convocada para a tarde deste venres, 12 de marzo, concentracións diante das piscinas da Malata e de Narón para esixir a readmisión de dous traballadores que foron despedidos como represalia por ter participado na folga de instalacións deportivas, que vén de suspenderse.

Ao longo do noso país tiveron lugar distintas concentracións e mobilizacións convocadas pola Secretaria da Muller da CIG no 8 de marzo, Dia Internacional da Muller Traballadora, e nas que se portaron faixas co lema "Loitando polos nosos dereitos", e que nas distintas comarcas tiveron obxectivos distintos da convocatoria, segundo a realidade de cada zonae os principais problemas ou conflitos detectados con perspectiva de xénero .

O sector de Transporte da CIG denunciou esta mañá publicamente a tentativa criminal contra o delegado sindical da central en Ambulancias do Eume ao que hai unhas semanas lle manipularon á roda do seu vehículo particular coa intención clara de provocarlle un accidente. Afortunadamente o delegado non sufriu danos, pero tres mecánicos confirmaron que as torcas do coche foran afrouxadas dun xeito intencionado. Os feitos xa foron postos en coñecemento da Garda Civil, que está a realizar investigacións.

Continuando co calendario de mobilizacións en todas as comarcas, esta mañá tivo lugar a asemblea de delegados e delegadas da CIG en Ferrol, á que seguiu unha concentración diante dos edificios administrativos da Xunta na cidade para amosar o rexeitamento as reformas laborais e da seguridade social que o goberno pretende levar adiante. Neste senso, o Secretario Xeral da CIG, Xesús Seixo, que participou na protesta, advertiu que a CIG non está disposta a tolerar este tipo de medidas en contra dos intereses da clase obreira e pediu ao conxunto dos/as traballadores/as que se sumen a esta contestación social. Mentres, o secretario comarcal da CIG-Ferrol, Xesús Anxo López Pintos, anunciou novas mobilizacións na comarca durante este mes e denunciou a “situación límite” na que nos atopamos, e na que CCOO e UGT actúan como cómplices dos intereses da patronal.

A sección de Transportes da FGAMT-CIG denunciaba na mañá deste martes un novo caso de persecución contra traballadores afiliados á esta central. Nesta ocasión trátase da empresa Ambulancias do Eume (Pontedeume), na que tres operarios se atopan de baixa psiquiátrica debido ao acoso ao que se vén sometidos por parte do empresario, contra o que a CIG presentará unha querela criminal por coaccións, lesións e atentado contra os dereitos dos traballadores. De igual xeito, vaise realizar unha demanda de tutela de liberdade sindical por ameazas, xa que o empresario coaccionou aos traballadores co obxecto de revogar ao único delegado de persoal (afiliado á CIG).

Á espera de que os sindicatos sexan convocados a un novo AGA, e tras modificar algúns puntos da plataforma inicial, as mobilizacións a prol dun convenio para as traballadoras e traballadores das residencias privadas da terceira idade continuaron este martes, nesta ocasión cunha concentración diante do centro Geriatros de Ferrol.