O Xulgado do contencioso-administrativo número 1 de Ourense decidiu suspender cautelarmente e pola vía de urxencia o decreto do alcalde de Verín, Juan Manuel Jiménez Morán, do PP, polo que se lle prohibía á CIG o uso de megafonía para difundir a convocatoria de folga xeral. A central nacionalista considera que a decisión do rexedor atenta contra o dereito á información, á liberdade sindical e á folga e felicítase pola resolución xudicial.

A Confederación Intersindical Galega ten convocadas en todo o país manifestacións e concentracións coincidindo coa xornada de folga xeral que se desenvolverá o vindeiro xoves 27 de xaneiro. O sindicato nacionalista fai un chamamento a todos os galegos e galegas para que participen nas 13 mobilizacións organizadas nas principais localidades de Galiza.

Representantes de BNG, Galiza Nova, FRUGA, Causa Galiza e Comités participaron este martes 18 de xaneiro nun encontro organizado pola CIG para avaliar as medidas económicas e laborais que está a levar adiante o Goberno español. Os/as asistentes trasladaron o seu apoio explícito á convocatoria de folga xeral da CIG e comprometéronse a facer un chamamento á participación no paro do 27 de xaneiro co obxectivo de frear a reforma das pensións e mudar as políticas regresivas e de recortes de dereitos.

A CIG pon en marcha unha campaña para que a mocidade galega se sume á folga xeral do 27 de xaneiro, denunciando as altas cifras de desemprego e a inexistencia de políticas que muden esta situación, así como para rexeitar a reforma laboral, da negociación colectiva e do sistema de pensións. Como punto de partida da campaña, que se desenvolverá baixo o lema “Precisamos emprego para termos futuro”, mañá xoves 20 de xaneiro terá lugar unha xornada de mobilizacións por todo o país, con concentracións diante de edificios da Xunta, Subdelegacións do Goberno e oficinas de emprego.

Representes da CIG mantiveron unha xuntanza este luns cunha delegación do BNG de cara a recoller apoios para a convocatoria de folga xeral do vindeiro 27 de xaneiro. Durante o encontro abordouse a situación socioeconómica actual e avaliáronse as consecuencias que están a ter as políticas aplicadas polos gobernos galego e español e os recortes que suporá a aprobación dunha reforma das pensións nas liñas defendidas polo executivo estatal.

O Concello de Verín rexeitou a solicitude feita pola CIG no sentido de poder publicitar mediante megafonía a convocatoria de folga xeral do vindeiro 27 de xaneiro apelando á ordenanza municipal sobre civismo, uso e limpeza da vía pública e protección da paisaxe urbanística. A negativa comunicouse mediante un decreto asinado polo rexedor local, do PP, que xa foi recorrido pola central nacionalista mediante a presentación dun contencioso-administrativo.

Está realmente en perigo o sistema público de pensións? Cal é a súa orixe? É necesaria a súa reforma? Que intereses se agochan tras dos ataques ás pensións públicas? A que responde a reforma antisocial que promove o PSOE? Que resposta debe dar a clase traballadora fronte a estas políticas?