A Inspección de Traballo vén de recoñecer, despois das denuncias da CIG, un caso de acoso laboral a unha traballadora do Consorcio Internacional de Cine, organismo dependente do Concello de Ourense. Dende o sindicato nacionalista advirten que farán un seguimento do caso até que os responsábeis municipais restitúan á afectada en todas as súas funcións e realicen unha avaliación de riscos psicosociais cun protocolo para estes casos.

Ante as declaracións realizadas polo Presidente da Autoridade Portuaria da Coruña, a CIG quere destacar que foi a propia Inspección de Traballo quen constatou que se retomaron os traballos de desmontado da grúa (paralizados logo da morte dun operario) sen a autorización pertinente e que a central sindical tan só expuxo ante a opinión pública esta situación. Así mesmo, a CIG lamenta que o Porto, en lugar de depurar responsabilidades por estes graves feitos, se limite a criticar a CIG e non a investigar e condenar aos culpábeis do accidente e a quen incumpriu o Requirimento da Inspección.

O Secretario da Unión Comarcal da CIG da Coruña, Paulo Carril, quere denunciar publicamente as decisións irresponsábeis e neglixentes adoptadas pola UTE Langosteira, as empresas subcontratadas e a Autoridade Portuaria que, a pesar do requirimento expreso da Inspección de Traballo, decidiron retomar as tarefas de desmontado da grúa nas que o pasado mes de outubro faleceu un operario. Ante esta grave actuación, alén das posíbeis consecuencias penais para os actuantes, a CIG esixe da Autoridade Portuaria que depure responsabilidades entre os culpábeis de pór en risco a vida dos traballadores/as e dificultar a continuidade da investigación aberta para esclarecer as causas do sinistro.

O cadro de persoal de Treves Pontevedra aproveitou a primeira xornada de folga para realizar unha concentración de protesta diante da Inspección de Traballo en Vigo co obxectivo de reclamar unha mediación activa no conflito laboral coa empresa de automoción. A decisión de convocar un paro que terá continuidade este xoves adoptouse para esixir carga de traballo que permita o mantemento de todos os empregos e para denunciar que a dirección négase a publicar como convenio o acordo laboral acadado tras as mobilizacións de febreiro.

A CIG-Administración vén de presentar denuncia ante Inspección de Traballo contra Medio Rural pola carencia de instalacións propias para o persoal do Servizo de Prevención e defensa contra Incendios Forestais (SPDCIF) de Ourense, concretamente no Distrito XIII de Valdeorras-Trives, comarca forestal: Terra de Valdeorras.

A CIG presentou unha denuncia na Inspección de Traballo contra a empresa ourensá Rieter Saifa Noroeste por conculcar o dereito de protección dos traballadores especialmente sensíbeis a determinados riscos, tal e como establece a Lei de Prevención de Riscos Laborais. A compañía designoulle a unha traballadora un posto que lle provocaba “sensación de afogo, dispepsia e náuseas” a pesar de ter acreditado a súa situación cun informe médico. Posteriormente decidiu sancionala cunha falta moi grave cando tivo que acudir a un centro médico a causa dun ataque de ansiedade, aínda que a decisión foi anulada polo xulgado.

A Federación de Construción e Madeira da CIG de Ferrol compareceu esta mañá en rolda de prensa para denunciar a persecución que Eshor vén de retomar contra un delegado da central. Esta situación, que xa foi denunciada diante da Inspección de Traballo, vén repetir o acoso ao que a empresa tiña sometido a este traballador, ao que xa tivo que readmitir nunha ocasión por despedilo improcedentemente.