O pasado 27 de outubro tivo lugar unha reunión co delegado de Ourense da Consellaria de Traballo, José Selas para lle trasladar os problemas graves de liberdades sindicais que perduran no centro de traballo de Ipisa, louseira de Valdeorras, na que ademais doutros conflitos, ao presidente do Comité de Empresa non se lle están a pagar as nóminas atrasadas, mais denuncian, a través de un comunicado de prensa, que o responsábel da Xunta non realizou ningún tipo de acción nestes dez dias, polo que van proceder a presentar denuncias en Inspección de Traballo e no Xulgado do Social por estes casos.

O sábado 24 de outubro a través dunha nota de prensa o responsábel da CIG en Valdeorras, Adriano Brito, anuncióou que a central sindical nacionalista denunciará á louseira diante da Inspección de Traballo e no Xulgado do Social por por coartar a liberdade sindical. Esta denuncia xurde polo feito de que un dos membros do comité de empresa aínda non cobrou a nómina correspondente ao mes de abril cando o resto de traballadores xa recibiron a de maio, o que supón "unha medida de presión por parte da dirección".

A Inspección de Traballo remitiu unha “acta de advertencia” á Iberoitaliana de Pizarras (IPISA) para que cumpra o disposto na normativa referida á regulación do dereito á folga e para que permita á entrada ao centro de traballo e a reincorporación ao posto unha vez rematados os paros.

Camiño de Ourense e en demanda do cobro dos seus salarios, os traballadores e as traballadoras de IPISA retomaron as mobilizacións, logo de tres xornadas de traballo e antes do inicio do período de vacacións. O conxunto do persoal, acompañado por sindicalistas da CIG e CCOO de Valdeorras e Ourense marcharon sobre e capital da provincia para reclamar á Xunta que medie nun conflito laboral que se ven prolongando dende hai case tres anos.

Os traballadores e as traballadoras de IPISA retomarán na mañá do xoves 30 de xullo as protestas en demanda do pagamento dos atrasos salariais e de garantías para o mantemento dos seus empregos. O persoal marchará a Ourense, onde desenvolverá unha manifestación até as portas do edificio da Xunta para reclamar a implicación da administración neste conflito.

A CIG de Valdeorras vén de informar que Iberoitaliana de Pizarras (IPISA) remitiu un fax aos representantes dos/as traballadores/as informando dunha serie de “legalismos”, destinados a impedir que o conflito se arraxe. Dende a Unión Local sospéitase que a intención da empresa é crear unha situación insostíbel entre o persoal para que sexan os propios traballadores/as os que reclamen a rescisión dos seus contratos, e desfacerse así dun xeito barato, do persoal indefinido. Esta manobra estaría enmarcada nunha operación de venda dalgunha das concesións mineiras das que dispón a louseira.

O alcalde de O Barco de Valdeorras comprometeuse a mediar no conflito laboral que están a vivir os traballadores e traballadoras de IPISA durante a reunión que mantivo na mañá do 23 de xullo cos membros do Comité e os representantes sindicais de CIG e CCOO. O persoal de Iberoitaliana de Pizarra sumou este mércores o seu decimo cuarto día de folga.