A Unión Local da CIG de Valdeorras fai un chamamento a toda a afiliación do sindicato para que participe na mobilización convocada o vindeiro xoves 27 en defensa da sanidade pública. A central nacionalista apoia deste xeito os actos reivindicativos organizados pola Plataforma en Defensa da Sanidade Pública da Área do Barco. O resto do país tamén acollerá mobilizacións ese mesmo día.

A CIG realizou onte unha concentración en Verín para para demandar a readmisión dun afiliado inxustamente despedido por organizar unha cea para falar da situación laboral en Banesto. A central nacionalista inicia con esta protesta o calendario de mobilizacións para denunciar un novo caso de represión sindical na entidade bancaria.

Máis de 3.000 traballadores/as do naval percorreron hoxe a pé as rúas de Vigo para reclamar o compromiso das Administracións públicas e da sociedade galega na defensa dun sector fundamental para a comarca e para o conxunto do país que se atopa sumido nunha grave crise por mor da falta de carga de traballo e dos problemas de financiamento. A protesta, que incluíu un paro de catro horas nos estaleiros e empresas auxiliares que tivo un seguimento masivo, rematou diante do edificio da Xunta de Galiza, onde os representantes sindicais lembraron que están en xogo máis de 10.000 empregos directos e reiteraron a súa aposta pola mobilización social para salvar unha industria "ferida de morte".

As marchas de desempregados e desempregadas que percorreron Galiza desde Ferrol, A Coruña, Vigo, Pontevedra, Ourense, Lugo e Vilagarcía confluíron este domingo na Alameda compostelá. Entre aplausos e malia o cansazo acumulado, sumáronse aos milleiros de galegos e galegas que saíron en manifestación convocados pola CIG para percorrer as rúas da capital de Galiza até a praza da Quintana. Alí foi onde Suso Seixo, secretario xeral da CIG, anunciou que a central sindical promoverá unha grande mobilización, a finais de outubro, xunto con outras organizacións políticas e sociais do país, que se intentará facer confluír con convocatorias similares noutras nacións do estado, de cara a preparar, se é posíbel, unha nova folga xeral, mesmo a nivel do estado español.

A CIG convoca unha manifestación en Vigo este xoves 14 de abril en defensa do naval e do emprego como resposta á crítica situación que atravesa o sector. A central nacionalista considera imprescindíbel a mobilización social e a presión política para manter unha industria da que dependen máis de 10.000 empregos na comarca e que no último ano e medio xa perdeu arredor de 7.500 postos de traballo. A marcha partirá de Vía Norte ás 20.00 horas e está previsto que remate diante do edificio da Xunta de Galiza, xunto á Praza da Estrela.

Os traballadores e as traballadoras de Einsa en Andrade e As Pontes, que esta fin de semana realizaron un peche no Concello de Pontedeume, continuarán adiante coas mobilizacións na defensa dos empregos e das condicións laborais, diante da negativa da dirección a aceptar ningunha das propostas presentadas polos Comités e que evitarían os despedimentos e as rebaixas salariais que pretende a dirección.

O Comité de Empresa de Elaborados Metálicos EMESA, do grupo Isolux Corsán, fixo público o malestar e preocupación de todos os traballadores e traballadoras, directos e indirectos, diante da penosa situación que están a padecer, ao encadear dous EREs temporais consecutivos, regulacións nas que a empresa non ten respectado os pactos acadados co persoal para a rotación do tempo de traballo. Así, a asemblea de traballadores/as acordou iniciar un calendario de mobilizacións, que comezará este martes 23 de novembro cunha concentración diante dos edificios administrativos da Xunta en A Coruña.