A federación de Químicas e Enerxía da CIG conseguiu os tres delegados/as de persoal que se escollían nas eleccións sindicais celebradas recentemente na compañía porriñesa Aztega La Artística. Con este resultado, a central nacionalista desbanca a CCOO como forza maioritaria.

A Confederación Intersindical Galega (CIG) venceu nas eleccións sindicais celebradas recentemente en Forbos Adhesives Spain ao sumar un delegado/a máis que CCOO. Deste xeito, a central nacionalista acadou tres dos cinco representantes que se escollían no comité da empresa con sede en Mos.

Empregados e empregadas da empresa Isocold de Mos trasladaron hoxe as súas protestas ás portas da vivenda de Francisco Álvarez Villamil, propietario da compañía, na Gran Vía de Vigo para denunciar a situación na que se atopan despois de que lles comunicaran mediante correo electrónico o cese de actividade.Os arredor de 50 afectados/as continúan presentándose no seu centro de traballo e realizan quendas para evitar a desaparición de material.

Os traballadores e traballadoras da empresa Isocold de Mos anunciaron que convocarán seis xornadas de folga durante o mes de setembro para protestar polo “cese de actividade” comunicado pola dirección mediante correo electrónico. A decisión afecta ás preto de 50 persoas que directa ou indirectamente traballan para a compañía dedicada á fabricación de espuma de poliestileno para illamentos, polo que xa adiantaron que reclamarán nos xulgados a improcedencia dos despedimentos. Mentres, os operarios/as continúan acudindo ao seu centro de traballo e realizando quendas para impedir a saída de material.

Terceira xornada de folga, e desta volta increméntase o número de horas de paro, pasando de dúas a catro horas en cada quenda. Con concentracións ás portas da empresa, e coa incerteza e dúbidas polo futuro da empresa, os traballadores e traballadoras desta empresa de mecanizados do Metal de Mos continúan cun amplisimo seguimento a súa mobilización e folga.

O Comité de Empresa de Rodicut ten convocada nesta semana dúas novas xornadas de folga nesta firma de mecanizados do Metal, que está situada en Mos. Así, pasarán a ser paros de catro horas en cada quenda, e están convocados para o martes 15 e o xoves 17 de decembro polo mantemento do emprego e pola readmisión dos sete compañeiros/as despedidos.

De 12 a 14, de 14 a 16, e de 22 a 00, volvian ser nesta segunda xornada as horas de paro convocadas na fábrica de mecanizados do Metal, Rodicut, que diante de sete despedimentos decidiron convocar como primeira medida de presión esta folga de dous días na primeira semana, parando dúas horas en cada quenda. O seguimento foi maioritario, con pouquisimas excepcións, mais xa decidiron convocar novas mobilizacións.