Traballadores e traballadoras de Navantia Ferrol e das empresas auxiliares continuaron este xoves coas mobilizacións e os paros de dúas horas para esixir carga de traballo e a construción do novo dique flotante. Nesta ocasión, as protestas desenvolvéronse no interior do propio estaleiro, que o persoal percorreu comezando pola área de reparacións, pasando polo peirao no que está rematándose o único buque en construción e concluíndo coa celebración dunha asemblea diante das oficinas da dirección (que foron ocupadas polos traballadores/as durante un anaco).

“Estamos nunha situación na que se nos esgota o tempo e non sabemos nada do futuro dos estaleiros”, advertía o co-resposábel comarcal da CIG de Ferrol, Manel Grandal, ao remate das mobilizacións que este venres desenvolveron os traballadores e traballadoras de Navantia e a industria auxiliar en demanda de carga de traballo e a construción do dique flotante.

A pesar da intensa choiva que caeu durante toda a tarde deste mércores, os traballadores e traballadoras do sector naval de Ferrol non se arredaron e saíron coa súa particular procesión polas rúas da cidade en demanda de carga de traballo, a construción do dique flotante e contra das pretensións da empresa e a SEPI de cargar agora a culpa da situación dos estaleiros sobre o persoal. A este respecto, dende a Sección Sindical da CIG agárdase que na xuntanza da vindeira semana a dirección aclare cuestións sobre carga de traballo, a construción do dique flotante e os problemas financeiros da compañia, pero tamén que despexe as dúbidas xurdidas sobre posíbeis axustes salariais.

A Sección Sindical da CIG en Navantia-Ferrol vén de emitir un comunicado en resposta á comparecencia en sede parlamentar do Presidente da SEPI e ás declaracións realizadas polo Presidente de Navantia a un xornal. Ambos os dous responsábeis apuntaron á orixe da situación da empresa pública nos custes salariais, tentando desviar do debate a súa propia responsabilidade e deficiente xestión, e cargando a culpa da crise do sector naval público non sobre a falta de carga de traballo, senón sobre os propios traballadores e traballadoras.

Os traballadores/as de Navantia e as empresas auxiliares volveron saír ás rúas este xoves para reclamar carga de traballo e a construción urxente do dique flotante, como ferramenta de futuro e medio para paliar de xeito inmediato a falta de actividade que abafa aos estaleiros da ría de Ferrol. A mobilización realizouse coincidindo co paro de dúas horas convocado no estaleiro.

Ante as informacións publicadas con motivo da reunión mantida o luns entre a SEPI, alcaldes da mancomunidade e representantes sindicais, na que non estivo presente a CIG, dende a Unión Comarcal reiterouse que a central nacionalista non está para facer de “palmera do PP”. “Non imos asistir a máis reunións das que se sae cunha nova suposta solución que non fai máis que dilatar a decisión sobre o dique e permite seguir botándolle a culpa aos demais”, sinalan.

Logo da manifestación celebrada o pasado domingo, día 24 de marzo, na defensa do sector naval, e os acontecementos que lle seguiron durante esta semana, a Dirección Comarcal da CIG de Ferrol, acordou tomar a seguinte Resolución que quere facer pública: