O sábado día 11 de febreiro, BDS-Galiza organizou unha concentración diante do Auditorio de Galiza, en Compostela, como protesta pola actuación do músico sionista Idan Raichel convidado no programa "Sons" que patrocina o concello. Á convocatoria, que se desenvolveu sen incidentes, acudiron máis de 30 persoas.

Varios centos de activistas chegados de diveros paises europeos, dos Estados Unidos e do Canadá están chegando a diferentes portos mediterráneos desde os que sairán a ducia de navíos nos que embarcaremos rumbo a Gaza para levar algo máis de 5000 toneladas de material humanitario rompendo o bloqueo imposto por Israel e para amosar ao Pobo Palestino a nosa solidariedade e apoio para con a sua xusta loita a prol dun Estado propio.  Arredor de 50 periodistas viaxarán tamén nos barcos da Flotilla, completando así as 500 persoas que intentegramos a expedición.

Antes de final de mes, arredor de  20 barcos sairán desde diversos portos europeos con destino ao territorio palestino de Gaza. Varios centos de persoas en representación de moi diversas organizacións (políticas, sindicais, sociais...) irán a bordo dos barcos expresando desta maneira a súa condena á política xenocida practicada por Israel contra Palestina A flota intentará romper o bloqueo marítimo ao que está sometido o territorio de Gaza, levando moitas toneladas de material, nomeadamente escolar e de construción, para ser entregado a diversas organizacións representativas do Pobo Palestino.

En xuño zarpará rumbo a Gaza a II Flotilla da Liberdade con axuda humanitaria para a población da Faixa e co propósito de romper o bloqueo a que a ten sometida Israel. A CIG, que participa desta iniciativa internacional de carácter pacífico, chama a asinar o manifesto para sumar apoios e reclamar das autoridades que tomen as medidas necesarias para protexer a vida e integridade das persoas que forman parte dela.

Boicote, Desinvestimento, Sancións son os tres eixos baixo os que xira a actividade da plataforma internacional BDS, que dende hai oito meses opera tamén na Galiza. Entrevistamos a Antón Gómez Reino, “Tone”, integrante de BDS-Galiza, quen explica os principios e obxectivos deste movemento.

A Confederación Intersindical Galega, diante do atroz ataque que vén de perpetrar o exército israelí contra a chamada “flota da liberdade”, exixe a urxente actuación dos organismos internacionais para que se impoñan de forma inmediata sancións contra Israel. A CIG denuncia a hipocrisía da UE e dos organismos internacionais en xeral, nomeadamente a ONU, por permitir o reiterado incumprimento, por parte de Israel, das resolucións internacionais e o xenocidio do pobo palestino, mentres que non ten problema algún por impor bloqueos, sancións de todo tipo e mesmo actuacións militares contra outros países, en función dos seus intereses económicos e xeoestratéxicos.

Aos berros de “Palestina vencerá”, “o sionismo é terrorismo”, “onde están que non se ven as sanción a Israel”, máis de 15.000 persoas percorreron as rúas de Compostela para manifestar o seu rexeitamento á masacre que o goberno israelí está a levar a cabo contra o pobo palestino. A mobilización, convocada por máis de 80 organizacións e colectivos entre os que se atopa a CIG, recibiu a resposta masiva dos galegos e galegas que, unha vez máis, volveron amosar a súa solidariedade.