Delegados/as sindicais e traballadores/as do comercio de alimentación da CIG de Pontevedra desenvolveron hoxe novas accións de protesta para reclamar o desbloqueo das negociacións do convenio colectivo. A mobilización, que ao igual que as levadas a cabo anteriormente en tendas de roupa noutros puntos do país consistiu en coller dos estantes gran cantidade de produtos para unha vez na caixa devolvelos, colapsou durante máis dunha hora un supermercado do centro da cidade. No caso de Ourense a protesta desenvolveuse o xoves nunha tenda de roupa do centro comercial Pontevella.

O secretario xeral da CIG fixo un chamamento aglutinar forzas para crear un movemento social amplo que obrigue á dereita e ao PP a mudar as súas políticas “antisociais e represivas” ao remate da manifestación nacional celebrada hoxe en Pontevedra contra a represión sindical, a reforma do Código Penal a lei de taxas xudiciais. Varios milleiros persoas marcharon polas rúas da cidade até a Subdelegación do Goberno español para denunciar os ataques contra a contestación social aos recortes e alertar sobre a implantación dun “sistema xudicial elitista”.

Os mariñeiros/as da flota cefalopodeira galega que faenaba no caladoiro mauritano decidiron hoxe en asemblea substituír a manifestación prevista para este venres por un acto na Praza de Abastos de Marín ante a previsión de temporal. Os afectados/as reciben pola mañá a visita de eurodiputada do BNG, Ana Miranda, que se desprazará até o Concello, onde manteñen un peche para esixir o cobro das axudas pactadas.

Pontevedra acollerá, o vindeiro sábado día 15 de decembro, una manifestación convocada pola CIG para denunciar a represión sindical coa que se busca criminalizar a resposta ás políticas do PP;  a reforma do Código Penal que prepara o Goberno de Mariano Rajoy, que pretende tipificar como delitos accións que antes non tiñan esa consideración; e a lei de taxas xudiciais que dificulta o acceso ao dereito fundamental á tutela xudicial efectiva. A manifestación sairá ás 11.30 horas da Praza da Ferrería e rematará diante da Subdelegación do Goberno español.

A CIG negouse hoxe a asinar o convenio provincial do Metal de Pontevedra pactado entre CCOO e UGT e a empresa ao entender que non garante que as actualizacións salariais se fagan con respecto ao IPC, ademais de incrementar a flexibilidade. Na central nacionalista consideran unha “escusa” o argumento esgrimido polos sindicatos españois para ratificar o texto e lembran que o actual convenio non decaería até o vindeiro 8 de xullo, polo que aínda habería tempo para seguir a negociar.

A Audiencia Provincial de Pontevedra comunicou hoxe a absolución dos tres sindicalistas condenados a tres anos e un día de prisión polo Xulgado do Penal número 1 por participar nun piquete na folga do comercio de alimentación en 2009. A CIG decidiu suspender a folga de fame iniciada pasado venres 23 de novembro tras coñecer a decisión xudicial, pero mantén a convocatoria de manifestación para o sábado 15 de decembro en Pontevedra contra a represión sindical.

A quinta quenda tomou este mediodía o relevo unha semana despois do inicio da folga de fame contra a represión sindical. Sefi Romero de Vigo e Lucía Freire de Compostela permanecerán sen comer até o luns ás 12.00 horas. Por outra banda, o actor galego Luis Tosar visitou hoxe a caravana instalada fronte á Audiencia Provincial de Pontevedra para solidarizarse cos sindicalistas condenados a prisión.