Uns trinta traballadores/as do hospital da Cruz Vermella de Vigo pecháronse na mañá do venres 19 de febreiro na dirección provincial do Sergas, na rúa García Barbón, en Vigo para exixir unha reunión ou unha resposta da conselleira Pilar Farjas para abordar a cuestión do peche deste centro sanitario.Conseguiron con este peche o compromiso de que o luns terán nas súas mans un documento da Consellaria de Sanidade, en resposta as súas mobilizacións e demandas, mais xa adiantan que "nos pecharemos indefinidamente se non asume a Consellaria a súa responsabilidade na nosa situación e as repercusións que ten para as usuarias e usuarios deste centro".

Cortes de tránsito en Beiramar, concentracións e moito ruido para chamar á atención do que está a acontecer no hospital da Cruz Vermella de Vigo, iso é o que están a facer as traballadoras e traballadores deste hospital, asi como as centrais sindicais. O 8 de febreiro tivo lugar a primeira reunión sobre o ERE de extinción dos 70 contratos deste hospital e despois de tres horas de reunión non se chegou a ningún acordo, mentres se está a desmantelar pola via dos feitos este hospital co traslado dos pacientes a outros hospitais de fóra de Vigo, co transtorno para a súa saúde e os problemas que supón isto para as súas familias.

A CIG-Saúde de Lugo vén de emitir un comunicado no que cuestiona os datos das lisas de agarda para consultas e intervencións feitos públicos pola Xerencia do Hospital Xeral. Dende a Federación de Saúde lembran que o número de doentes en espera para cirurxía se incrementou un nemorosas especialidades e mesmo nalgunhas non se dá cita para consulta até o 2011. Por iso, a CIG-Saúde reclama que non se banalice cunha cuestión tan preocupante e que afecta á cualidade de vida de ducias de cidadáns.

As organizacións integrantes da Comisión de Seguimento do Plan Mellora da Atención Primaria fixeron entrega, no rexistro da consellaría, dunha carta dirixida á conselleira, Pilar Farjas, demandando a súa posta en marcha e información sobre os indicadores xerais do Plan. Así, demandaron coñecer, desde os investimentos realizados en 2009 e os previstos para 2010, até a capacidade resolutiva por áreas ou o número de prazas creadas por categorías o ano pasado e as previsións para este.

A CIG-Saúde de Lugo vén de reiterar as denuncias pola precaria situación dos traballadores e traballadoras do Hospital Xeral, que continúan sen dispor de uniformes limpos para traballar, xa que estes son enviados á Coruña para a súa limpeza. De feito, explican dende a Federación de Saúde, para “solucionar” esta carencia, a dirección permitiu o uso común da roupa destinada en exclusiva aos quirófanos.

Os traballadores e as traballadoras dos servizos de limpeza dos Hospitais Abente y Lago, Marítimo de Oza, Lavandería de A Grela e Centro de Especialidades de O Ventorrillo continuaron este mércores coas mobilizacións para esixir a aplicación dos convenios colectivos, algún deles asinado hai case catro anos, que os equiparan ao persoal adscrito ao Grupo E do Sergas, pero que as empresas adxudicatarias da contrata continúan sen respectar.

As traballadoras e os traballadores dos servizos de limpeza dos centros que integran o CHUAC continúan esta semana coas protestas en demanda do cumprimento dos convenios colectivos e na defensa dos seus dereitos laborais. Este, mércores 13 de xaneiro, desenvolverán unha nova concentración ás 9:45 horas diante da Xerencia do Complexo Hospitalario xa que, até o momento, non se teñen producido avances de ningún tipo por parte das empresas concesionarias do servizo, que se negan a buscar unha saída dialogada a este conflito.