O Comité de Empresa do 112 compareceu esta mañá en rolda de prensa para desmentir as informacións publicadas o pasado xoves, nas que se apuntaba unha posíbel neglixencia da persoa encargada de xestionar a incidencia relativa ao incendio que se produciu nas fragas do Eume. Isabel Moares, presidenta do Comité, explicou que se trata dun intento de desviar a atención, poñendo en cuestión a profesionalidade das traballadoras e traballadores e ao propio servizo público de emerxencias.

Os traballadores e traballadoras do CAE 112 de Galiza non descartan ir a unha folga se continúa sen ofrecerse unha solución definitiva a súa situación laboral. Así o anunciou en rolda de prensa o Secretario do Comité, Óscar Valladares, quen tamén sinalou que van solicitar reunións cos candidatos dos tres grupos políticos maioritarios para coñecer a súa postura arredor deste servizo público.

Un grupo de traballadoras e traballadores do Centro de Atención de Emerxencias 112, desplegaron unha pancarta co lema “112 Solución” no marco da inauguración da Semana verde de Silleda no momento en que Emilio Pérez Touriño realizaba o seu discurso. A pancarta estivo á vista do Presidente da Xunta durante toda a súa intevención, ao remate da cal a Presidenta do Comité de Empresa lle fixo entrega dunha carta na que se lle reclamaba implicación na solución ao conflito laboral que dura xa case dous anos. Xa á saída, e a pesar de que en ningún momento se interrompera o acto, o servizo de escolta do Presidente identificou ao “peligroso” grupo de sindicalistas.

A Comisión de Negociación que representa aos traballadores e traballadoras do 112 solicitou hai aproximadamente un mes, unha xuntanza coa dirección da empresa MK Plan 21, que finalmente se celebrará este venres día 13 ás 10:30 horas da mañá en Compostela. MK Plan 21 é a empresa que xestiona o servizo do teléfono de emerxencias 112 e que resultou gañadora do concurso para a súa adxudicación o pasado mes de abril.

Os reiterados incumprimentos dos acordos acadados coas traballadoras/es do servizo de atención a emerxencias 112, tanto por parte da empresa, no seu día, como actualmente da Dirección Xeral de Protección Civil obrigaron ás traballadoras e traballadores a reiniciar as mobilizacións. Polo momento, e para sensibilizar á opinión pública, teñen instalado pancartas de denuncia por toda a xeografía galega e ademais, iniciaron unha campaña de recollida de sinaturas que, polo momento, está a ter moi boa acollida.