Os tres delegados/as de persoal da Fundación Semana Verde de Silleda (dous da CIG e unha de CCOO) compareceron hoxe en rolda de prensa xunto a representantes dos dous sindicatos para explicar como se atopa a tramitación do ERE e denunciar que a mala xestión da entidade é culpábel da delicada situación económica que provocou nove despedimentos. Tamén amosaron a súa confianza en que o recurso de alzada presentado contra o ERE temporal lles sexa favorábel e adiantaron que nos vindeiros días manterán unha reunión co presidente da Fundación e conselleiro de Presidencia, Alfonso Rueda.

Os traballadores/as da Fundación Semana Verde de Galicia conseguiron paralizar hoxe durante hora e media a poxa de gando da feira de Silleda en protesta polo ERE que afectará a 18 persoas. A mobilización, convocada por CIG e UGT, incluíu unha marcha por todo o recinto feiral e unha concentración fronte á sede da Fundación.

A CIG-Saúde vén de solicitar ao Sergas que actúe diante das dificultades xeradas nos exames para celadores celebrados a pasada semana en Silleda, xa que moitos dos opositores constaron que na parte específica da proba había preguntas que non debían figurar nese exame, así como que o nivel de moitas das preguntas non se correspondían coa titulación exixida para a categoría.

As mobilizacións do cadro de persoal da empresa pública SEAGA seguen adiante. Traballadores e traballadoras trasladáronse até Silleda o 26 de setembro para facer ouvir as súas demandas ante os dirixentes da Xunta que asistiron a un mitin do Partido Popular.

Un grupo de traballadoras e traballadores do Centro de Atención de Emerxencias 112, desplegaron unha pancarta co lema “112 Solución” no marco da inauguración da Semana verde de Silleda no momento en que Emilio Pérez Touriño realizaba o seu discurso. A pancarta estivo á vista do Presidente da Xunta durante toda a súa intevención, ao remate da cal a Presidenta do Comité de Empresa lle fixo entrega dunha carta na que se lle reclamaba implicación na solución ao conflito laboral que dura xa case dous anos. Xa á saída, e a pesar de que en ningún momento se interrompera o acto, o servizo de escolta do Presidente identificou ao “peligroso” grupo de sindicalistas.

Perto dun milleiro de persoas percorreron o 12 de xuño as rúas de Silleda para reclamar a viabilidade do recinto feiral e para apoiar aos traballadores e traballadoras que xa alertaran dos problemas que existían na Semana Verde desde había máis de ano e medio. Boa parte dos establecementos comerciais pecharon en solidariedade con este colectivo.