Os ex traballadores e ex traballadoras da Torre de Hércules compareceron en rolda de prensa este venres ao pé do faro romano para valorar as últimas actuacións do Concello da Coruña a respecto do monumento. Os ex empregados/as consideran que o proceso de contratación temporal de novo persoal que o Consorcio de Turismo vén de convocar “é ilegal”, polo que van proceder á súa denuncia, e advirten que continuarán adiante co calendario de mobilizacións.

O conflito que se está a vivir na Torre de Hércules acaba de chegar ao Parlamento Europeo, a través da presentación dunha pregunta parlamentar por parte do eurodeputada do BNG, Ana Miranda. No escrito a representante política pregunta á Comisión o seu parecer sobre o peche do faro Patrimonio da Humanidade así como polas consecuencias laborais que ten para os seus 13 empregados/as.

Un grupo de ex empregados/as da Torre de Hércules encadeáronse este venres ao pé da estatua a María Pita – e paradoxalmente arredor da palabra liberdade- para esixir do Concello da Coruña unha solución á súa grave situación laboral, pois case dous meses despois do peche do faro continúan sen garantías de que manterán os seus traballos e sen poder acceder ao cobro da prestación por desemprego.

Os ex empregados e empregadas da Torre de Hércules continúan adiante coas mobilizacións en defensa do seus traballos e para esixir unha reunión co alcalde da cidade. Nesta ocasión, o persoal realizou unha imaxinaria, a modo das gardas militares, que os mantivo toda a noite do xoves para o venres vixiando a Praza de María Pita.

Os ex traballadores e ex traballadoras da Torre de Hércules, pechada dende o pasado 15 de xaneiro, entregaron esta mañá no rexistro do Concello da Coruña unhas 8.600 sinaturas recollidas entre os veciños e veciñas da cidade nas últimas semanas. Apoiados nestas sinaturas, os empregados/as trasladaron ao goberno local tres reivindicacións: unha reunión urxente co alcalde, Carlos Negreira; a apertura inmediata do faro romano; e o mantemento dos seus empregos a través do recoñecemento do seu dereito á subrogación.

Un grupo de extraballadores e traballadoras da Torre de Hércules comezaron este sábado unha acampada reivindicativa ao pé do faro en demanda de solucións por parte do Concello da Coruña, xa que máis de un mes despois do peche do monumento continúan sen ter garantías de seren subrogados nin poden acceder ao cobro das súas prestacións por desemprego. Porén, unhas horas despois de comezar protesta, a acampada foi desaloxada pola policía local.

Unha representación dos traballadores e traballadoras da Torre de Hércules trasladouse esta mañá a Compostela para levar ás súas reivindicacións ante os grupos parlamentares. O persoal pediu dos/as responsábeis políticos que entremedien neste conflito de cara a conseguir unha xuntanza co Concello da Coruña, xa que até o momento o Goberno municipal continúa sen atender as súas peticións.