A CIG-Servizos de Vigo anunciou o inicio de mobilizacións para esixir a continuidade das seis traballadoras da empresa Limpezas Germania que estaban a desenvolver a súa actividade no CPI de Panxón (Nigrán).A decisión chega logo da ruptura das conversas coa Consellaría de Educación, quen acordou rescindir a contrata da limpeza privada e manter o servizo só con persoal propio. Dende a CIG-Servizos denuncian a situación destas mulleres que levan 23 anos traballando no CPI de Panxón, e que quedarán na rúa “probabelmente sen paro, porque son fixas-discontinuas”.

O venres desde as once da mañá de novo perto de trescentos delegados e delegadas do sector Servizos e das tres centrais sindicais - CIG, CCOO e UGT- mobilizábanse fronte ao Alcampo de Coia para amosar o seu rexeitamento aos doce despedimentos de traballadores e traballadoras que levaban até 25 anos realizando labores de limpeza neste centro comercial. Anunciaron que continuarán coas mobilizacións, e que de non mudar a situación actual, variarían o tipo de concentracións e actos levados até o de agora.

O venres día 19 de febreiro as tres centrais sindicais, CIG, CCOO e UGT teñen convocada unha nova mobilización: unha concentración de delegadas/os masiva nas portas de Alcampo de Coia de 11:00 a 13:00 horas para amosar o rexeitamento aos despedimentos da limpeza neste centro de traballo, asi como a solidariedade coas compañeiras e compañeiros despedidos.

Coincidindo coa segunda xornada de folga, as traballadoras de Limpezas Ames cobraron, por fin, as nóminas dos tres últimos meses, que a empresa aínda lles adebedaba. Así, a concentración que tiñan previsto desenvolver na mañá do martes 15 de setembro diante do Concello, quedou finalmente suspendida, á espera de que a empresaria continúe pagando os salarios nos vindeiros meses.

As traballadoras de Limpezas irán a folga a partir do vindeiro luns 14 de setembro para reclamar o abonamento das tres mensualidades que a empresa lles adebeda. A folga, que se manterá de xeito indefinido até que as traballadoras cobren os salarios, afectará a diversas oficinas municipais do Concello de Ames e ao Colexio de Ventín, onde a empresa realiza as labores de limpeza.

O 17 de novembro comezaba ás doce da noite a folga na limpeza de locais e edificios pola negociación do convenio provincial de Pontevedra deste sector. Esta folga ten carácter indefinido e está a ter unha importante repercusión nas áreas comerciais, aeroporto, na Universidade de Vigo, ambulatorios, xa que se está a visibilizar o conflito destas traballadoras e traballadores, e a súa loita por un convenio xusto e polas melloras laborais e sociais que tan necesarias son neste sector tan precarizado, que ten un salario medio de 753 euros.