Na mañá deste mércores 1 de setembro, traballadores e delegados da CIG concentrábanse diante da nave que a empresa Transportes M. Cabo ten en Lestedo en demanda do pagamento das cantidades que se lles adebedan e en protesta polo despedimento do delegado de persoal da CIG. Os traballadores desta empresa de transportes levan en folga desde o 16 de agosto.

O próximo mércores día 1 de setembro, os traballadores e traballadoras da empresa Transportes M. Cabo, con sede na Estrada, concentraranse diante da nave que ten a empresa en Lestedo, para demandar os cartos que se lles adebedan e en protesta polo despedimento do delegado de persoal.

Traballadores/as de Transportes M. Cabo e delegados/as da CIG concentráronse nas inmediacións da nave que a empresa compostelá ten na Estrada en protesta polas constantes presións que sofren por parte da dirección dende que decidiron reclamar as condicións laborais que recolle o convenio colectivo. Denuncian que o último episodio foi o despedimento do delegado de persoal.

Os traballadores/as de Transportes M. Cabo iniciaron unha folga indefinida na noite do 16 de agosto en demanda das cantidades que se lles adebedan e para denunciar a actitude represora do propietario, que vén de despedir ao delegado de persoal. Para este xoves 19 ás 12.00 horas está convocada unha concentración nas instalacións que esta empresa compostelá dedicada ao reparto de gasóleos e combustíbeis ten na Estrada.