A empresa Clece, concesionaria do servizo de limpeza de edificios e instalacións municipais de Vilagarcía, reducirá entre 5.000 e 5.200 horas anuais a xornada laboral das máis de medio cento de traballadoras/es co obxectivo de aumentar beneficios. Dende o comité (CIG e CCOO) acusan á compañía de facer unha oferta á baixa para gañar o concurso e anuncian que impugnarán a decisión e pedirán o rescate da concesión.

Os bombeiros do Porriño, Ribadumia e Vilagarcía iniciaron este luns unha folga indefinida en protesta polo despedimento de dous dos traballadores do parque porriñés e para reclamar estabilidade laboral. A empresa Celta Prix, encargada da xestión dos parques comarcais pontevedreses, decidiu prescindir dos seus servizos un día antes de que rematase o período de proba alegando que o perfil non se adaptaba ás súas necesidades e os afectados iniciaron peches e unha folga de fame.

A residencia de maiores Santo Anxo do Grove comezou hoxe a notificar por carta o despedimento de nove das dez traballadoras de atención directa, curiosamente as mesmas que solicitaran xudicialmente a rescisión de contrato xa que levan entre seis e dez meses sen cobrar. A dirección do centro decidiu tamén suspendelas de emprego e soldo alegando que están a impedir o seu normal funcionamento.

Ás dez e media da mañá daba comezo a asemblea de delegadas e delegados da comarca de Pontevedra da CIG, que nesta ocasión tivo lugar no Auditorio municipal de Vilagarcía de Arousa. Analizouse neste encontro as pretensións do goberno estatal de reducir os dereitos da clase traballadora e que sexan as traballadoras e traballadores quen continúen a pagar a crise coa reforma laboral, o aumento da idade da xubilación ou o recorte das pensións. Ás doce saiu deste auditorio unha manifestación que percorreu o centro de Vilagarcía até achegarse á oficina da Seguridade Social.

As bases da convocatoria aparecen na páxina web do porto de Vilagarcía, e a CIG ven de presentar un recurso de alzada as mesmas para que se declare a súa nulidade por vulnerar o ordenamento xurídico.

Logo de doce días de mobilizacións diante da sede da empresa e do Concello de Vilanova, as traballadoras fixas discontínuas decidiron mudar de sitio para seguir denunciando a mesma situación que padecen desde hai anos, e que se incrementou moito nos últimos tempos: a falta de carga de traballo.