Os traballadores e as traballadoras da Vidreira do Atlántico acudían o mércores 10 de Marzo ao Xulgado do Social número 3 de Ourense, onde ía ter lugar a vista pola demanda de extinción dos contratos de máis de 75 empregados/as da factoría limiá. Na vista quedou demostrado que o proceso de concurso de acredores foi inducido polo Grupo ao que pertence a fábrica e que se produciu unha violación sistemática, no último ano, dos dereitos fundamentais dos traballadores/as, polo que dende a CIG e o persoal se solicita unha indemnización de 45 días por ano traballado, máis outra indemnización complementar por vulneración de dereitos. Dende a CIG de Verín destacan tamén que, durante o xuízo, os administradores concursais ratificaron nas súas declaracións os argumentos esgrimidos pola parte social, cualificando de fraudulenta a actuación da empresa.

O Tribunal Superior de Xustiza de Galiza vén de invalidar o pronunciamento que o Xulgado do Social número 1 de Ourense realizara sobre o plus de actividade no marco do conflito colectivo presentado sobre a legalidade ou non da xornada imposta pola empresa en xaneiro do 2009. A sentenza do TSXG vén dar a razón aos argumentos manexados pola CIG e os traballadores/as, quen no seu día denunciaron a incrongruencia das consideracións xudiciais sobre uns feitos que se estaban a dirimir no ámbito laboral.

O próximo día 10 de Marzo, coincidindo cos actos conmemorativos do día da Clase Obreira Galega, vaise celebrar en Ourense, no Xulgado Social nº 3, ás 9:00 horas, un xuízo de extinción de contratos de máis de 75 traballadores/as da Vidreira do Atlántico, S.A., a petición propia, por falta de ocupación efectiva e violación dos seus dereitos fundamentais.

A Inspección Provincial de Traballo e S.S. de Ourense vén de pronunciarse, contundentemente, sobre varias accións adoptadas pola Dirección da empresa Vidreira do Atlántico, S.A. que constitúen o núcleo básico do concurso de acredores formulado; rexeitándoas, tipificándoas como graves e, consecuentemente, sancionando a citada patronal.

Uns 80 traballadores e as traballadoras da Vidreira do Atlántico concentráronse na mañá deste mércores diante do Pazo de Xustiza de Ourense para reclamar á xuíza que leva a demanda concursal que atenda as reclamacións do persoal e se pronuncie dunha vez sobre todas as medidas adoptadas pola empresa. Dende a CIG reclámase á autoridade xudicial que ampare ao conxunto dos traballadores/as que levan máis dun ano loitando pola defensa dos seus dereitos e que agora se atopan nunha complicada situación por causa da decisións arbitrarias do Grupo BA Vidro.

A dirección da Vidreira do Atlántico vén de dar un paso para o peche definitivo da empresa, logo de decidir, a pesar de non contar coa autorización xudicial pertinente, a clausurar o forno de fusión da factoría, provocando así a falta de ocupación efectiva dos traballadores e traballadoras. Contra esta decisión, o persoal e a CIG, que xa presentaron recurso de apelación contra o auto que estima a solicitude de concurso, van formular demanda laboral por falta de traballo (ocupación efectiva) e denuncia penal por esta acción do Grupo BA Vidrio, ademais de recusar aos administradores concursais nomeados pola súa “inexplicábel pasividade” fronte ás actuacións contra a actividade e o emprego.