O sector de Autonómica de CIG-Administración de Ourense vén de denunciar publicamente que as últimas decisión adoptadas pola Consellería de Traballo e Benestar volven ser discriminatorias coa provincia e poñen en risco servizos sociais públicos básicos. Ao peche hai uns días do centro de menores de Montealegre súmaselle agora a redución de prazas na residencia de maiores de Barbadás, polo que dende a central nacionalista reclaman a dimisión ou cese do delegado territorial do departamento autonómico.

Un grupo de traballadores e representantes sindicais do naval de CIG, CCOO e UGT pechouse hoxe nas dependencias da Xunta en Vigo para esixir información sobre a reunión entre o comisario europeo da Competencia e o ministro de Industria español. O encerro, co que pretendían forzar á delegada do Goberno galego na provincia a recibilos, rematou co desaloxo e a identificación dos participantes na protesta por parte da Policía española.

A CIG-Metal lembra que o naval non poderá acceder a novos contratos até que non conte cun sistema de bonificación fiscal alternativo ao tax lease. A central nacionalista responde deste xeito ás últimas informacións facilitadas pola Xunta nas que se dá por pechado un acordo coa petroleira mexicana Pemex para que os estaleiros galegos constrúan barcos da súa flota menor.

O comité de empresa da Consellería de Traballo e Benestar da provincia de Pontevedra mantén dende o mediodía un peche no edificio central da Xunta de Galiza en Vigo para denunciar o progresivo desmantelamento dos servizos públicos por parte dos responsábeis autonómicos. Os empregados/as da Administración galega queren amosar deste xeito a súa oposición á política de peche de centros e despedimento de persoal que está a practicar o Goberno galego do PP co obxectivo de privatizar os servizos públicos.

Diante das declaracións feitas pola conselleira do Medio Rural e do Mar, Rosa Quintana, nas que cualifica á CIG de irresponsábel e difamatoria, e asegura que non entende como o sindicato pode recriminarlle ao Goberno galego o ter establecido uns servizos mínimos abusivos na pasada folga xeral en contraposición cun cadro de persoal escaso, o sector de Autonómica da CIG-Administración manifesta:

Arredor dun cento de delegados/as de Navantia Fene-Ferrol e das súas industrias auxiliares –apoiados por sindicalistas da Coruña- arrancaban este martes de diante da Delegación do Goberno a marcha a pé que os levará o xoves 15 até o complexo da Xunta de Galiza en Santiago de Compostela para demandar carga de traballo e a construción do dique flotante. Alí, a representación do persoal agarda manter un encontro co Conselleiro de Industria do que esperan obter, non só informacións das xestións realizadas, senón confirmacións de prontas actuacións para salvar un sector do que dependen máis de 17.000 empregos na comarca.

A comparsa da CIG-Administración Autonómica “Pres@s da crise” aproveitou o martes de entroido para percorrer por sorpresa o complexo administrativo de San Caetano interpretando a canción "Freijolito quere recortar". A iniciativa enmárcase na campaña de denuncia dos continuos ataques que está a acometer a Xunta de Galiza contra os servizos e os empregados/as públicos/as.