A CIG-Administración vén de de denunciar irregularidades na convocatoria dunha praza da Sociedade de Imaxe e Promoción Turística de Galicia (Turgalicia), pois, aclaran, o proceso incumpre a lei de organización e funcionamento da Administración Xeral e do Sector Público Autonómico. Diante desta situación, o sector de Autonómica da CIG xa remitiu o correspondente escrito á Dirección Xeral da Función Pública demandando a paralización e anulación da convocatoria.

A Xunta de Galiza, a través das consellarías de Traballo e Educación, vén de convocar no DOG as normativas polas que se convocan diversos Procesos de Acreditación da Experiencia Profesional, dirixidos a que os traballadores e traballadoras que conten cunha serie de requisitos académicos e  acrediten determinada experiencia profesional, poidan obter o certificado que os habilita para exercer a profesión de que se trate, no sector de actividade no que operen.

Traballadores e traballadoras do Centro de Atención de Emerxencias 112 realizaron un reparto de panfletos e explicaron a situación laboral na que se atopan  a comerciantes e usuarios/as da praza de Abastos de Compostela. O reparto insírese na campaña de sensibilización social que veñen desenvolvendo nos últimos meses para denunciar a precariedade laboral que padecen e reclamar o cumprimento, por parte da empresa concesionaria, dos sucesivos acordos acadados e que, segundo denunciaron, están sendo incumpridos por parte da concesionaria, Telemark-Spain S.L.  

Axentes antidisturbios da Policía Autonómica desaloxaron os traballadores/as das brigadas helitransportadas de Seaga que ocuparan a base de Toén, en Ourense, para denunciar que a empresa aínda non os chamou para iniciar a campaña de prevención de incendios. Dende a CIG-Servizos denuncian que a Xunta pretende desmantelar un operativo que debera estar en funcionamento dende o mes de marzo e anunciaron que as mobilizacións continuarán até lograr que os empregados da empresa pública acaden unha mínima estabilidade laboral e unhas condicións de traballo dignas.

Traballadores e traballadoras do Centro de Atención de Emerxencias 112 concentrábanse este venres diante da sede deste servizo público, en Compostela, para denunciar as súas precarias condicións laborais e reclamar o cumprimento dos sucesivos acordos acadados e que, segundo denunciaron, están sendo incumpridos por parte da concesionaria, Telemark-Spain S.L.

A CIG-Ensino inicia unha campaña de recollida de firmas contra a decisión da Consellaría de Educación de levar á mesa sectorial deste venres día 1 de abril unha proposta que supón a eliminación das modalidades relacionadas coa actualización académica e pedagóxica do profesorado o que pode ter incidencia na calidade do ensino. O departamento autonómico suprime as catro modalidades de duración anual e reduce as cuadrimestrais a trimestrais, co que a oferta, aparentemente maior polo número de prazas ofertadas, é realmente unha redución superior ao 27% respecto aos anos anteriores, pois reduce drasticamente a duración das licenzas. Esta proposta supón liquidar o espírito da formación do profesorado, ao tempo que introduce unha maior discrecionalidade na concesión, facilitando actuacións non obxectivas.

O sector de Autonómica da CIG-Administración na Comarca da Coruña, ante as numerosas comunicacións e preguntas do persoal funcionario e laboral a respecto do atraso no pagamento das nóminas correspondentes ao mes de marzo, quere demandar da Xunta de Galiza axilidade no abonamento dos salarios e agarda que este sexa un feito circunstancial e puntual deste mes.