Logotipo CIG Confederación Intersindical Galega - Avantar - Compostela 6/9/2010
Ás 17:30 horas, no Hotel Congreso, en Teo, no quilómetro 3 dirección Santiago A Estrada
As seccións sindicais do Banco Gallego convocan aos traballadores/as da entidade a unha asemblea este martes
As tres seccións do Banco Gallego (CIG, CCOO e UGT) veñen de convocar ao persoal da entidade para participar na asemblea que terá lugar este martes 7 de setembro ás 17:30 horas, no Hotel Congreso, para analizar a situación actual e abordar posíbeis mobilizacións de cara a evitar novos despedimentos.

10-09-06 Pancarta convocatoria asemblea Banco gallego

Dende a sección sindical da CIG sublíñase que nos dous últimos anos se está a producir un desmantelamento progresivo dos servizos centrais de A Coruña mediante o traslado a Madrid ou a externalización de departamentos. Reaxustes aos que se vén de sumar a recente externalización do departamento de Extranxeiro. Unha decisión que para a sección sindical supón “un paso máis na súa política de ataque aos dereitos laborais para intentar colar como causas obxectivas e entregar cartas de despedimento con 20 días por ano e límite de 12 mensualidades”.

Por iso, fan un chamamento a participar masivamente nesta asemblea para “responder a esta provocación e mostrarlle á empresa a nosa forza e que non imos renunciar tan facilmente aos nosos dereitos”.

1