Logotipo CIG Confederación Intersindical Galega - Avantar - Vigo 26/11/2010
O propietario deberá responder no xulgado por ter agredido ao afectado e ameazado de morte ao secretario local da CIG-Valdeorras
A empresa ourensá Rodribar Yañez recoñece a improcedencia do despedimento dun traballador e terá que indemnizalo
A empresa ourensá Rodribar Yañez S.L. vén de recoñecer no acto de conciliación a improcedencia do despedimento do traballador Joaquim Couto de Alburquerque e comprométese a indemnizalo e abonarlle os salarios que lle adebeda. O seu propietario terá que responder tamén por presentas agresións e ameazas de morte.
2010 24 09 LogoRodribarOurense

A empresa construtora do Barco de Valdeorras, propiedade de Jaime Rodríguez Barba, accede deste xeito a liquidar todas as débedas contraidas co operario portugués -que ascenden a preto de 7.000 euros- en concepto de salarios e pagas extra de verán e Nadal.

Outra compañía da súa propiedade, Barproyasa, fora condenada con anterioridade -despois dunha demanda da CIG- a readmitir ou indemnizar a outro traballador orixinario do país luso. Na sentenza recoñécese tamén a improcedencia do despedimento.

Agresións e ameazas

Por outra banda, o propietario das empresas terá que responder nas vindeiras semanas diante da Xustiza despois de seren denunciado polo traballador despedido de Rodribar por presuntas agresións. Ao mesmo tempo, o vindeiro día 14 de decembro celebrarase no Xulgado de Instrución número 1 do Barco outro xuízo a raíz da denuncia presentada polo secretario local da CIG-Valdeorras, Adriano Brito, por supostas ameazas de morte do empresario.

1