Logotipo CIG Confederación Intersindical Galega - Avantar - Vigo 24/6/2011
A dirección da empresa de telemárketing comunicou a medida ao remate da protesta para rexeitar 40 despedimentos anteriores
Unísono presenta un ERE de extinción no seu centro de traballo de Vigo que afecta a outras 151 persoas
Unísono anunciou hoxe a presentación dun Expediente de Regulación de Emprego extintivo que afecta a 151 traballadoras e traballadores do centro de Vigo xusto despois de que rematase a concentración convocada polo comité de empresa para rexeitar 40 despedimentos producidos recentemente. A dirección da compañía de telemárketing convocou aos representantes sindicais para entregarlles a documentación e iniciar o período de consulta do ERE. Ao mesmo tempo, adiantou que 117 empregadas/os máis tamén abandonarán a empresa a partir do vindeiro 31 de xullo por fin de obra.
2011 06 24 protesta DespedimentosUnisonoVigo3

O cadro de persoal de Unísono atopouse coa desagradable sorpresa nada máis reincorporarse ao ao se posto de traballo despois de participar no paro e na concentración convocada diante da sede da Gran Vía viguesa entre as 11.00 e as 12.00 horas. A empresa opta por eliminar máis empregos despedindo nesta ocasión a persoas con contratos indefinidos.

Para esta mesma tarde (de 17.00 a 18.00 horas) está prevista unha nova mobilización ás portas da compañía coincidindo coa convocatoria de paro, onde se aproveitará para denunciar a actitude de Unísono e rexeitar o ERE e os máis de 300 despedimentos rexistrados no último ano

Durante a concentración, na que participaron máis de 100 persoas, berráronse consignas como “Non á deslocalización”, “Que non nos vacilen, que o traballo vai para Chile” ou “Traballador no paro, patrón colgado”. Dende a sección sindical da CIG na empresa denunciaron que Unísono segue a destruír emprego en Galiza ao tempo que abre novos centros de traballo en países como Chile.

Máis información no blogue da sección sindical da CIG en Unísono

1