Logotipo CIG Confederación Intersindical Galega - Avantar - A Coruña 20/7/2012
Na súa decisión tamén influíron as recomendacións do seu médico e avogado
O extraballador de Asfedro levanta a folga de fame e a acampada ao conseguir unha reunión coa Xunta
O extraballador da Asociación Ferrolá de Drogodependencias (Asfedro), Cheto Rico, abandonou o pasado martes a folga de fame e a acampada diante dos edificios da Xunta de Ferrol iniciadas o 11 de xullo, logo de conseguir que a administración galega accedese a manter un encontro para coñecer a súa situación de primeira man e polas recomendacións neste sentido do seu médico e avogado.

12-07-11 Cheto Rico2

O traballador, que foi despedido pola asociación tan só dous días despois de ser readmitido en cumprimento de sentenza xudicial, considera cumprido o obxectivo de denunciar publicamente a mala xestión que a xunta directiva está a facer tanto na utilización dos recursos económicos como humanos.

Ademais, na decisión de Rico tamén influíron as recomendacións dadas polo seu médico e mais o seu avogado. A este respecto hai que sinalar que o traballador está a espera de que o xulgado dite sentenza pola demanda de despedimento.

1