Logotipo CIG Confederación Intersindical Galega - Avantar - A Coruña 9/10/2012
A CIG-Ensino solicitou unha entrevista cos conselleira de Traballo de Benestar para buscar solucións para estes centros
Delegados e delegadas da CIG-Ensino protestan contra os recortes no centros de atención a persoas con discapacidade
Delegadas e delegados da CIG-Ensino dos centros de atención a persoas con discapacidade concentráronse esta mañá diante da Consellaría de Traballo e Benestar, en San Caetano, para denunciar a situación crítica que atravesan estes centros debido aos recortes aplicados nas axudas e subvencións. A CIG-Ensino tamén presentou un escrito no que solicita unha entrevista coa Conselleira para que, no prazo máis breve posible, se aborden solucións para estes centros, as súas usuarias/os e traballadoras/os.

12-10-09 Concentracion Centros Educacion Especial

Estes centros e as empresas das que dependen son, na súa maior parte, asociacións de afectados /as ou entidades sen ánimo de lucro que están a prestar un servizo social de suma importancia do que a propia administración debería responsabilizarse .As escasas cotas e recursos que poden achegar os seus socios e socias e os obxectivos de servizo público, non estritamente empresariais fan que dependan, case que en exclusiva, das axudas e subvencións que reciben das institucións públicas e moi especialmente da Consellaría de Benestar.

Os recortes aplicados nas mesmas e os atrasos no seu pagamento están poñendo en perigo a supervivencia destes centros e o servizo que prestan afectando xa ás condicións salariais do seu persoal e á calidade do servizo para os seus  usuarios e usuarias. Ademais as condicións do persoal están reguladas por un convenio de ámbito estatal, que ven de publicarse hoxe mesmo no BOE, que supón rebaixas nas condicións laborais e que non se adapta ás condicións específicas de Galiza  , con competencias no sector, e aos recursos que fornecen estes centros.

Na concentración de hoxe, a CIG-Ensino, esixiu solucións para aos usuarias e usuarios destes centros e para os seus traballadores, afectados tamén polos recortes aplicados polo PP no Goberno da Xunta.

1