Logotipo CIG Confederación Intersindical Galega - Avantar - Compostela 19/10/2012
Está convocada unha concentración para o día 23 de outubro, ás 9:00 horas, coincidindo co comezo do xuízo
A fiscalía pide 45 anos de prisión contra as persoas que manifestaron a súa oposición na mobilización de Galicia Bilingüe
Manifestantes que participaron na mobilización convocada o 8 de febreiro, coincidindo coa convocatoria de Galicia Bilingüe, enfróntanse a un xuízo que dará comezo o 23 de outubro e no que o fiscal pide 45 anos de prisión e a imposición de sancións económicas que superan os 30.000 euros.

20080519_manifestacion compostela lingua
Vista parcial da praza da Quintana no acto final da manifestación pola Lingua do día 18 de maio.

Fronte a isto, as 12 persoas acusadas denuncian que foron “identificadas por falar en galego, golpeadas brutalmente, detidas e criminalizadas, encanto a minoría extremista deste país, que é partidaria de aniquilar a nosa lingua se manifestaba con protección policial e a compañía de centenas de persoas traídas en coche vindos de fóra de Galiza”.

 Proclaman que defender o galego non é un delito e teñen constituído o “Colectivo de procesad@s @8F_45anos”, desde o que demandan a solidariedade de organizacións políticas, sociais e de todas as persoas que defenden a lingua, para que se denuncie “o xuízo político de que seremos obxecto”, reivindicando a súa liberdade, o día do inicio da vista.

Lembran que a nosa lingua nacional se atopa nun estado límite e que a gravidade da situación é tal que, segundo confirman os estudos sociolingüísticos máis solventes, “a transmisión xeracional non está e, ne cuestión de décadas, de non medrar profundas mudanzas en políticas e actitudes por parte da sociedade galega e as institucións, podémonos enfrontar ao suceso final dun proceso de exterminio lingüístico iniciado en 1492”.

1