Confederación Intersindical Galega - Avantar - Compostela 27/1/2009
Alegan que o “IPC previsto” non existe
A patronal de Telemarketing négase a actualizar os salarios
O Convenio dos Centros de Chamadas, antigamente
Telemarketing, regula unha suba salarial
para o ano 2009 do IPC previsto máis un diferencial do 0,25%. Sorprendentemente
a Comisión Paritaria non aprobou as novas táboas salariais debido á oposición
da Patronal, que negou a existencia do “IPC previsto” nos orzamentos do Estado
e ofertou unha suba do 0,5%.
Inicialmente as Seccións Sindicais da CIG nas empresas con implantación en Galiza solicitaron a aplicación da suba salarial pactada.
Ante a resposta negativa das empresas, que optaron por facer seguidismo da Patronal estatal, a CIG ten previsto celebrar unha reunión sectorial urxente para avaliar as medidas a tomar, sen desbotar ningún tipo de resposta sindical ante unha actuación patronal sen precedentes no sector.
Para o sector de Telemarketing da CIG é inadmisible que a patronal pretenda adiar a actualización salarial mediante subterfuxios legais, cando historicamente vén aplicando o IPC previsto sen ningún tipo de problemas.
1