Mobilizacións nos centros de traballo contra o Anteprxecto de Lei de Medidas no Emprego Público

begonha.carballo — Fri, 10 Feb 2012 12:59:23 +0100

Dentro do calendario de mobilizacións acordado polas organizacións sindicais en demanda da retirada do Anteproxecto de Lei de Medidas no Emprego Público, este xoves realizaranse concentracións, ás 11:30 horas e de xeito simultáneo, nos distintos centros de traballo de todo o País.

Concentración diante do Parlamento para reclamar a implicación da Xunta na solución de Novagalicia

begonha.carballo — Fri, 10 Feb 2012 12:55:14 +0100

A Federación de Banca da CIG ten convocada unha concentración diante do parlamento galego, coincidindo coa comparecencia no pleno de Alberto Nuñez Feijoo, para contestar a unha pregunta do BNG sobre a posición da Xunta de Galiza ante a reforma do sistema financeiro que está na orixe dos problemas laborais que afectan aos traballadores e traballadoras.

Remate da marcha do naval ferrolá e manifestación polas rúas da Coruña até a Delegación do Goberno

begonha.carballo — Wed, 08 Feb 2012 13:03:42 +0100

Terceira é última xornada da marcha a pé que máis de un cento de traballadores e traballadoras do naval da ría de Ferrol están a realizar até A Coruña endemanda de carga de traballo. Está previsto que a marcha chegue ás 10:00 horas até a zona de Casablanca, onde os camiñantes serán recibidos polo groso do persoal dos estaleiros que se trasladarán en autobús até a cidade herculina. Dende alí sairán todos/as xuntos en manifestación até as portas da Delegación do Goberno, onde ás 10:30 horas, manterán unha xuntanza con Samuel Juárez.

Concentración contra os novos recortes da Xunta para o persoal das administracións públicas

begonha.carballo — Wed, 08 Feb 2012 13:02:05 +0100

As centrais sindicais CIG, CCOO, UGT e CSI-F convocan unha concentración este xoves 9 de febreiro, ás 12:15 horas, diante da entrada principal ao complexo administrativo da Xunta en San Caetano, Compostela.

A protesta enmárcase no calendario de mobilizacións conxuntas acordado polas catro organizacións sindicais en contra do Anteproxecto de Lei de Medidas no Emprego Público anunciado pola Consellaría de Facenda a pasada semana. Estas medidas suporán un novo recorte nos dereitos laborais e económicos de todos os empregados e empregadas que prestan servizos nas administracións públicas galegas, así como un ataque aos servizos públicos e a cualidade dos mesmos.

No marco da concentración, representantes das centrais sindicais tamén rexistrarán un escrito no que solicitan á Xunta a retirada inmediata deste anteproxecto.

Manifestación en defensa do emprego e contra a deslocalización de Alcoa Inespal

begonha.carballo — Wed, 01 Feb 2012 18:38:20 +0100

O Comité de Alcoa Inespal ten convocada unha manifestación este venres 3 de febreiro en contra das pretensións da multinacional de deslocalizar a produción e na defensa dos postos de traballo no noso país. Alcoa vén de anunciar un recorte de produción e un ERE de suspensión temporal (cunha duración de 12 meses) que, no caso de autorizarse, afectaría ao 50% do cadro de persoal da factoría da Coruñ. Para o Comité esta decisión responde á clara intención da empresa de pechar a fábrica herculina e trasladar á produción ás novas instalacións que está a construír en Arabia Saudita.

A marcha sairá ás 20:00 horas da Praza da Palloza e percorrerá as rúas da Coruña até o edificio da Delegación do Goberno baixo a consigna "Non á deslocalización. Por un futuro industrial para o sector do aluminio".

Manifestación en defensa do sector naval en Vigo

ivan — Wed, 25 Jan 2012 11:18:01 +0100

Manifestación en defensa do sector naval este xoves en Vigo a partir das 20.00 horas. A marcha sae de Vía Norte e remata diante do edificio da Xunta de Galiza.

Concentración diante do Banco Pastor a prol dun protocolo de absorción

begonha.carballo — Tue, 24 Jan 2012 19:48:17 +0100

A Sección Sindical da CIG no Banco Pastor ten convocada unha concentración diante da sede do Banco Pastor para demandar un protocolo de absorción da entidade polo Banco Popular que garanta o mantemento dos empregos e unhas condicións dignas.

Protesta en Vigo contra os despedimentos en FCC

ivan — Wed, 16 Nov 2011 14:23:52 +0100

Os traballadores/as de FCC, concesionaria da limpeza e recollida do lixo de Vigo, realizarán unha concentración de protesta para rexeitar os plans do Goberno local de despedir a uns 180 empregados/as e reducir a calidade do servizo. Será diante do consistorio a partir das 12.00 horas.

Asemblea da CIG-Servizos de Ferrol sobre o convenio provincial de limpeza de edificios e locais

begonha.carballo — Wed, 16 Nov 2011 10:46:31 +0100

A Federación de Servizos da CIG de Ferrol ten convocada este venres, 18 de novembro, unha asemblea aberta a todos os traballadores e traballadoras afectados/as polo convenio provincial de limpeza de edificios e locais. O acto realizase no local da CIG de Ferrol (Avda. do Esteiro) en horario de mañá, ás 10:00 horas, e pola tarde, ás 18:00 horas.

Manifestación da CIG-Banca contra do desmantelamento do sistema financeiro galego e a destrución de emprego no sector

begonha.carballo — Fri, 11 Nov 2011 17:03:21 +0100

A Federación de Banca da CIG ten convocada unha manifestación na cidade da Coruña este luns, 14 de novembro, en contra do proceso de reconversión e centralización do sector financeiro impulsado polo Goberno español, co apio do PP. Este proceso supón o desmantelamento das entidades financeiras galegas e pon en perigo a continuidade duns 3.000 empregos no noso País.

A manifestación sairá ás 12 do medioría dende a sede de Novagalicia Banco na Rúa Nova, seguirá polos Cantóns e a rúa Juana de Vega, para rematar diante do edificio do Banco de España.

Manifestación comarcal en Ferrol en defensa do emprego e do sector naval

begonha.carballo — Fri, 28 Oct 2011 11:20:36 +0200

O domingo 6 de novembro a cidadanía de Ferrolterra está chamada a participar nunha gran manifestación comarcal convocada por CIG, CCOO, UGT e USTG en defensa do emprego e do sector naval. A marcha partirá ás 12:00 horas dende o Inferniño baixo o lema “Polo emprego e o futuro da comarca. O naval é fundamental. Carga de traballo xa”.

Manifestación en Vigo contra a especulación financeira e en defensa do emprego

ivan — Tue, 25 Oct 2011 18:36:21 +0200

Os sindicatos CIG, CCOO e UGT convocan unha manifestación conxunta contra a especulación financeira e en defensa do emprego na comarca de Vigo. Coa mobilización, que terá lugar o vindeiro domingo 6 de novembro a partir das 12.00 horas dende a Praza dos Cabalos, as tres centrais queren denunciar que a perda de postos de traballo na bisbarra chegou a unha situación insostíbel e reclamar das administracións central e autonómica a posta en marcha de medidas que estimulen a creación de emprego. A marcha reivindicativa desenvolverase baixo o lema "Vigo é traballo. Contra a especulación financeira, en defensa do emprego na comarca".

Mobilizacións en todas as áreas sanitarias contra os recortes na sanidade pública

begonha.carballo — Tue, 25 Oct 2011 18:02:09 +0200

O xoves 27 de outubro a Plataforma SOS Sanidade Pública, que agrupa a todas as Plataformas en Defensa da Sanidade Pública, ten convocadas mobilizacións simultáneas ás 20:00 horas en todas as Áreas Sanitarias do País, en defensa dos servizos sanitarios públicos e contra dos recortes aplicados pola Consellaría e a Xunta de Galiza.

Lugares das mobilizacións xa concretados:

Vigo: Manifestación con saída do Hospital Xeral (Rúa Pizarro).

Pontevedra: Manifestación con saída da Praza da Ferreiría.

Barbanza: Concentración na Praza do Concello de Ribeira.

Santiago de Compostela: Concentración na Praza do Toural.

A Coruña: Concentración no Obelisco (Cantón Grande).

Ferrol: Concentración na Praza de Armas.

Lugo: Concentración no Edificio Multiusos da Xunta de Galiza.

Monforte: Acto Público no Multiusos de Monforte, ás 20:15 horas.

O Barco de Valdeorras: Manifestación con saída do Pavillón de Calabagueiros.

A Mariña: Concentración diante do Hospital da Costa.

Máis información nas web da CIG-Saúde e na páxina da Plataforma SOS Sanidade Pública.

Concentración do Comité de Emesa en San Caetano

begonha.carballo — Tue, 27 Sep 2011 13:26:23 +0200

O Comité de Emesa vai desenvolver unha concentración, a partir das 10:00 horas, diante do edificio administrativo de San Caetano para demandar unha reunión urxente coa Conselleira de Traballo, Beatriz Mato. O Comité lembra que dita reunión xa foi comprometida pola Consellaría a pasada semana, mais a día de hoxe a representación do persoal continúa agardando que a administración fixe a data e a hora da xuntanza, a pesar dos despedimentos comunicados esta luns pola dirección de Emesa en pleno proceso de negociación do cuarto expediente de suspensión.

Manfiestación en demanda de carga de traballo para o naval de Ferrol

begonha.carballo — Tue, 27 Sep 2011 13:21:54 +0200

Os/as traballadores/as de Navantia e da industria auxiliar inician este mércores un calendario de mobilizacións en demanda de carga de traballo para os estaleiros e da construción do dique flotante. O persoal marchará dende as instalacións de Navantia en Ferrol até o Concello, onde agardan manter un encontro co alcalde. As protestas repetiranse cada mércores até concluír o próximo domingo 6 de novembro nunha gran mobilización comarcal convocada por CIG, CCOO, UGT e USTG.

Manifestación en Compostela contra a ampliación do horario lectivo

begonha.carballo — Wed, 07 Sep 2011 12:42:18 +0200

Ás 11:30 horas sairá da Alameda de Compostela a manifestación en contra a ampliación do horario lectivo e das funcións do profesorado. Esta é a primeira mobilización da campaña de protestas que todas as organizacións sindicais teñen acordado realizar en contra dos recortes no ensino público.

Folga no sector das ambulancias

begonha.carballo — Wed, 07 Sep 2011 12:34:34 +0200

Das 0 ás 24 horas deste xoves 8 de setembro, os traballadores e traballadoras de transporte de enfermos/as e accidentados/as en ambulancia están chamados a secundar a xornada de folga en contra dos recortes decretados pola Xunta de Galiza no servizo de transporte sanitario urxente.

Previsión de mobilizacións:

- Vigo: ás 12:30 horas saída en manifestación dende o Hospital até a Dirección Provincial do Sergas (r/ García Barbón).

- Pontevedra: a partir das 08:30 horas percorrido polos centros hospitalarios.

- Ferrol: ás 10:00 horas concentración diante do Hospital Arquitecto Marcide e rolda de prensa ás 10:30 horas. Ás 13:00 horas concentración diante do Edificio da Xunta en Ferrol.

-A Coruña: ás 10:30 horas haberá rolda de prensa no Materno-Infantil e reparto de panfletos. Ás 13:00 mobilización na Dirección Provincial do Sergas.

- Lugo: a partir das 13:15 horas concentración diante da Delegación Territorial da Consellaría de Sanidade.

Protesta coincidindo coa asemblea xeral extraordinaria de Novacaixagalicia

ivan — Wed, 20 Jul 2011 15:17:20 +0200

A federación de Banca da CIG convocou unha concentración de protesta coincidindo coa asemblea xeral extraordinaria na que Novacaixagalicia abordará a súa conversión en banco. A mobilización será este xoves día 21 de xullo diante do Pazo de Exposicións e Congresos da Coruña (Palexco) a partir das 16.30 horas.

Concentración contra os despedimentos en Meteogalicia

ivan — Fri, 15 Jul 2011 12:52:05 +0200

Os traballadores e traballadoras de Meteogalica realizarán unha concentración diante da sede da empresa (rúa Roma, 6. Fontiñas, Santiago de Compostela) o vindeiro martes día 19 ás 11:30 horas. A protesta ten como obxectivo rexeitar o espedimento de seis compañeiros/as e denunciar a precarización do servizo.

Manifestación en defensa do sector naval da Ría de Vigo

ivan — Tue, 12 Jul 2011 16:04:42 +0200

O sector naval vigués continuará mobilizándose en defensa dos postos de traballo. A seguinte protesta terá lugar o xoves 21. Para ese día está convocada unha manifestación que partirá de Vía Norte ás 20.00 horas e rematará na confluencia das rúas Montero Ríos e Concepción Areal.

Paro de catro horas en defensa do sector naval vigués

ivan — Tue, 12 Jul 2011 16:01:50 +0200

Os traballadores e traballadoras do sector naval da Ría de Vigo retomarán este xoves día 14 as mobilizacións para esixir un apoio decidido dos Goberno español e galego ante a grave crise que pon en perigo a súa continuidade nos vindeiros meses. Para ese día está previsto un paro de catro horas (de 10.00 a 14.00) e unha concentración diante do edificio da Xunta na cidade a partir das 11.30 horas.

Folga e concentracións contra os novos despedimentos en Unísono de Vigo

ivan — Thu, 23 Jun 2011 18:56:50 +0200

O comité de empresa de Unísono convoca unha nova xornada de folga que incluirá concentracións ás portas da compañía de telemárketing en Vigo para rexeitar os 40 novos despedimentos. As protestas diante da sede da Gran Vía terán lugar de 11.00 a 12.00 horas pola mañá e de 17.00 a 18.00 horas pola tarde.

Marcha galega polo emprego cara a Compostela

ivan — Thu, 23 Jun 2011 18:49:05 +0200

A CIG organiza a Marcha galega polo emprego, unha gran mobilización na que se agarda que participen desempregados/as de toda Galiza, que percorrerán a pé o país, partindo inicialmente das cidades, o día 29 de xuño, para rematar o 3 de xullo en Santiago de Compostela, cunha manifestación nacional. Con esta marcha preténdese sensibilizar á poboación ante o grande problema que supón o paro e exixir a posta en marcha de toda unha serie de medidas que permitan o crecemento económico e a creación de emprego, fronte as políticas neoliberais aplicadas até o de agora, que provocaron unicamente a precarización das condicións laborais.

Lugares, datas e horarios de saída:

Vigo: 30 de xuño dende Gregorio Espino (local da CIG).

A Coruña: 30 de xuño ás 10.00 horas dende Alfonso Molina (local da CIG).

Cee: 30 de xuño ás 10.00 horas dende O Son (local da CIG).

Pontevedra: 1 de xullo dende Pasantería (local da CIG).

Ferrol: 29 de xuño dende a Avenida de Esteiro (local da CIG).

Lugo: 29 de xuño dende a Ronda da Muralla (edificio sindical).

Ourense: 29 de xullo ás 9.30 horas dende o Pavillón dos Remedios.

Manifestación polo emprego en Santiago de Compostela

ivan — Thu, 23 Jun 2011 18:41:53 +0200

A Marcha galega polo emprego que organiza a Confederación Intersindical Galega rematará cunha manifestación nacional en Santiago de Compostela o vindeiro domingo día 3 de xullo. Días antes os participantes patirán das distintas comarcas para percorrer a pé a distancia até a capital de Galiza. A manifestación saírá da Alameda a partir das 12.00 horas.

Concentracion dos/as traballadores de Emesa diante da Delegación de Traballo da Coruña

begonha.carballo — Wed, 08 Jun 2011 19:24:58 +0200