Fonte RSS - Todo Avantar - Confederación Intersindical Galega

Miles de persoas proclaman que “Non queremos ser estranxeiras na nosa Patria. Queremos galego!”

paula.castro — Sat, 18 May 2013 09:51:02 +0200

Todo parecía indicar, á saída da manifestación, que esta sería masiva. A duración do percorrido e a interminábel ringleira de persoas que ocupaban as principais rúas de Compostela constatábano e a Quintana ateigada até a Berenguela confirmaban que, definitivamente, a mobilización convocada pola Plataforma ‘Queremos Galego’ volvía ser masiva. Nin a chuvia nin o frío deste inverno chegado de novo no mes de maio impediron que miles e miles de galegas e galegos se achegaran á capital de Galiza para demostrar que a lingua segue a ser un dos peares esenciais da nosa identidade como pobo e que non hai climatoloxía adversa abondo que impeda saír a defendela.

A anécdota curiosa viu da man da prensa. Durante o percorrido unha muller comezou a pasear polo medio da manifestación cunha bandeira do PP. Segundo se puido saber estaba contrataba por V Televisión. De feito, xornalista e cámara deste medio de comunicación acompañábana para recoller o momento. Non se sabe se o medio pretendía provocar un apupo xeneralizado das persoas manifestantes e converter este feito en noticia ou se se trataba dunha brincadeira. O certo é que non conseguiu nin enfadar, ni sorprender. Só indiferenza xeneralizada.

A actriz Isabel Risco foi a encargada de conducir o acto de remate desta data de celebración e reivindicación. Celebración, porque temos lingua e reivindicación porque queremos que sexa respectada. E así o lembrou na súa intervención Carlos Callón, que lamentou que para algúns o Día das Letras Galegas sexa só o 17 de maio, mentres para todas as persoas congregadas na praza e para outras miles e miles máis que non puideron achegarse á capital de Galiza, é todos os días do ano.

Callón lembrou o ataque sistemático que padece o galego no ensino. Un ataque que chega xa até os sinais de tráfico. Como exemplo sinalou os cambios das placas das autoestrada que até o de agora poñían “peaxe” e agora poñen “peaje”.

O portavoz da plataforma e presidente da Mesa pola Normalización Lingüística, en referencia a quen acusa ao nacionalismo de “patrimonializar” a lingua, convidou ao propio presidente da Xunta, Alberto Núñez Feijoo, a patrimonializar tamén o galego.

Acusou aos medios de comunicación, nomeadamente aos públicos, TVG e Radio Galega, de agochar esta convocatoria, pero pediu un forte aplauso en recoñecemento ás e aos profesionais que están a denunciar a manipulación informativa e a censura que se exerce desde a Xunta a través da dirección do ente e dos servizos informativos.

E lembrou a Rosalía de Castro e, como non, a Roberto Vidal Bolaño, escritor, actor e autor de teatro homenaxeado nesta data polo seu inequívoco compromiso co galego, mais tamén pola súa valía e calidade humana.

Callón reclamou medidas que promovan o uso normalizado do galego porque, afirmou, “non queremos ser estranxeiras na nosa terra”.

Desaloxan da explanada de San Caetano ao persoal da Xunta concentrado para denunciar o despedimentos de 59 compañeiros/as

paula.castro — Fri, 17 May 2013 11:13:33 +0200

Galería de imaxes

En Compostela a concentración celebrábase no edificio administrativo de San Caetano, onde nese intre se celebraba o Consello. A convocatoria estaba confirmada para as 11:30 horas, con cazolada e asubíos incluídos. Aos poucos minutos de comezar efectivos policiais desaloxaban da explanada interior do recinto onde se adoitan realizar todas as concentracións ás persoas concentradas. A xustificación, que molestaban aos membros do goberno galego que se reunían xusto do lado.

A concentración continuou, con máis ruído se cabe, no exterior, no acceso contiguo ao lugar de onde acababan de ser expulsados para denunciar os despedimentos, a destrución de emprego e o deterioro dos servizos públicos. Unha denuncia que non querían escoitar as/os reunidos en Consello de Goberno.

De feito, alén dos 59 despedimentos, a consellaría de Traballo destruirá 129 postos de traballo que afectarán a servizos sociais tan sensíbeis como Dependencia, centros de atención para discapacitados psíquicos, centros de atención a a maiores dependentes e oficinas de emprego, entre outros.

Xunto a isto alertan das consecuencias que terá a Lei de Emprego Público que pretende aprobar o Partido Popular, que consideran que é a máis agresiva dos últimos tempos ao introduciren elementos de discrecionalidade e arbitrariedade no comportamento da administracións para outorgar destinos, postos e demais.

A Lei contempla tamén a avaliación continua do persoal da administración, introducindo criterios subxectivos de valoración que favorecen esa discrecionalidade na toma de decisións. Un sistema de valoración que xunto cos elementos obxectivos fai depender dos xefes/as a avaliación do esforzo, interese e iniciativa do persoal que verá así condicionada a súa carreira profesional e promoción dentro do sistema de niveis e, en consecuencia, o aumento das súas retribucións, coller un posto ou que as/os removan del.

Para a CIG-Administración isto vai provocar que a ‘mansedumbre’ ao manter a lei o nomeamento a dedo das xefas/es.

A CIG-Administración desmente a Feijoo, que afirmou no Parlamento que só hai obriga de arquivar documentos durante 10 anos

paula.castro — Fri, 17 May 2013 10:25:48 +0200

A CIG-Administración, sector da Autonómica, asegura que a Lei 8 /1995 de Patrimonio Cultural de Galicia di literalmente no seu artigo 77, sobre contido do patrimonio documental, punto 1, que “ Integran o patrimonio documental de Galicia: a) Os documentos de calquera época xerados, conservados ou reunidos no exercicio da súa función por calquera organismo de carácter público existente en Galicia, así como por persoas privadas, físicas ou xurídicas, xestoras de servizos públicos.”

E que o artigo 80.3 afirma que “Baixo ningún concepto se poderán destruír os documentos mentres subsista o seu valor probatorio de dereitos e obrigas das persoas e dos entes públicos.”

O sector da Autonómica especifica ademais que a nivel técnico, se manifesta que os expedientes de contratación (de obras, servizos, asistencia técnica ou de calquera outra índole) están valorados nos arquivos galegos como de conservación permanente e que, polo tanto, “nunca deberán ser destruídos e pasarán a formar parte dos depósitos documentais dos arquivos propios da Comunidade. Nomeadamente o Arquivo Xeral da Xunta de Galicia no Tambre na súa fase administrativa e do Arquivo de Galicia na Cidade da Cultura na súa fase histórica”.

Sinalan que en caso de que se acordase a eliminación de series de documentación xestada pola Administración Autonómica, estas deberían ser avaliadas, identificadas e valoradas por unha Comisión de Avaliación que “desgraciadamente aínda non existe en Galicia”.

Subliñan que se trata de documentación da Consellería de Sanidade dos anos 90 e que o máximo responsábel da documentación en cada departamento, é o Secretario Xeral do mesmo, daquela o propio Feijoo. Por tanto, afirman, “eses documentos teñen que aparecer a menos que el non fixera ben o seu traballo naquel momento”.

A nivel organizativo, observan que este caso debe servir para “mandar unha mensaxe de alarma”, do que pasa coa documentación na Administración Autonómica. “Contamos cun grupo de arquiveiros, minimizado, cunhas condicións de traballo paupérrimas que non poden chegar a todas as consellerías e que non dan abasto”. A non-nata Lei de Arquivos –Galiza é a única comunidade que non a ten-, contemplaba que houbera persoal técnico suficiente en cada Consellería, pero non se aprobou, porque consideran que non interesaba que o control da documentación saíse da esfera política cara a esfera funcionarial. “Era mellor contentarse con empresas de mudanzas varias, persoal funcionario sen coñecementos pero adscrito ao arquivo, almacenamento masivo, ou simplemente deixar que se perderan e apodrecesen os papeis “non fora que houbese algo malo neles”.

Goberno de Bueu e grupos municipais de Marín trasládanlle aos mariñeiros de Mauritania o seu apoio á manifestación do venres 24

ivan — Thu, 16 May 2013 20:36:13 +0200

Dende o sector de Mar da CIG indicaron que o rexedor buenense, Félix Juncal, lles confirmou a presenza do Goberno local, con el á cabeza, na mobilización. No caso do Concello de Marín, todos os grupos municipais tamén se posicionaron a favor das reivindicacións dos mariñeiros/as e adiantaron que acudirán á protesta.

Dende a central nacionalista explicaron que lles reclamaron aos representantes do Partido Popular e á alcaldesa de Marín que insten á Xunta de Galiza a “saír do seu letargo e a facer algo para solucionar o problema”.

Neste senso, demandáronlle á primeira edil marinense que se poña en contacto coa conselleira de Pesca para se traslade a Bruxelas cos afectados/as para presionar. Segundo sosteñen, a alcaldesa tería accedido a facer a xestión, de cuxo resultado terán resposta nos vindeiros días.

Os comités de empresa das distintas fábricas de Ence reclaman o mantemento de todos os empregos

ivan — Thu, 16 May 2013 20:18:59 +0200

Os representantes sindicais sosteñen que a dirección de Ence debe de dar marcha atrás na súa intención de reducir o número de traballadores/as “na cantidade e forma actualmente planeados” xa que as razóns esgrimidas inicialmente (causas económicas e cambio nas tarifas eléctricas) quedan totalmente refutadas nun comunicado feito público pola propia empresa no que se ofrecen os seguintes datos:

-Aumento das ventas nun 8%.

-Ventas de enerxía despois do axuste de tarifas, aumento do 20%.

-Aumento da venta de celulosas nun 5%.

-Facturación bruta, aumento do 42%.

-Aumento do fluxo neto de caixa nun 400%.

-Diminución da débeda financeira nun 43%.

-Ratio da débeda corporativa neta/EBITDA do 0.8, a mellor referencia do sector.

-Reparto de 16 millóns de euros en dividendos en abril.

-Líder europeo de produción de celulosa de fibra corta e segundo en ventas, cunha cota do 15% en Europa.

-Beneficio neto do primeiro trimestre de 13,1 millóns de euros, o dobre que no mesmo período do ano anterior.

-Aumento de prezos nun 4% e con tendencia á alza.

Ao mesmo tempo, dende a representación sindical lémbrase que a pretendida redución de persoal coincide cun aumento dos incentivos do conselleiro delegado, da alta dirección e doutros directivos “entre o 50 e o 120% do salario fixo neto para os anos 2013, 2014 e 2015, o que consideramos totalmente contraditorio co mantido pola empresa dende a presentación do ERE.

Finalmente, sosteñen que non só son necesarios todos os postos de traballo “senón que tamén sería preciso o reforzo dos departamentos actualmente reducidos, feito coñecido por todos/as, pois na maioría dos casos dedicámonos a apagar lumes sen xestionar o tempo correctamente, o que se traduce en perdas de materias primas, sobrecostes e mal funcionamento do sistema en xeral”.

Traballadores/as e parados/as do naval da CIG de Vigo retoman as mobilizacións semanais en defensa do sector

ivan — Thu, 16 May 2013 19:51:31 +0200

Dende a CIG-Metal explicaron que a protesta, que terá continuidade todos os xoves a partir das 10.00 horas diante da Xunta, forma parte dunha campaña de mobilizacións que se deseñou en distintas asembleas nas que participaron traballadores/as e parados/as do sector e coa que se retoman as concentracións convocadas pola CIG dende finais de 2011 até mediados de 2012.

Segundo indica o responsábel do naval da central nacionalista, o obxectivo desta iniciativa é reclamar do Goberno español e da Xunta de Galiza que “abandonen a campaña de propaganda posta en marcha a raíz dos supostos contratos con Pemex, xa que o que pretenden é a desmobilización dos traballadores/as do sector, ademais de crear unha falsa expectativa de recuperación”.

Ao mesmo tempo, César Rodríguez demanda a adopción das medidas axeitadas para solucionar a problemática do sector, “que non son outras que esixirlle á Comisión Europea a resolución inmediata e positiva da retroactividade;egarantir o financiamento dos proxectos, sexa mediante Pymar, un fondo de garantía galego ou ámbolos dous mecanismos”.

Finalmente, dende a CIG reclaman unha maior implicación do conxunto dos traballadores/as e parados/as do sector naval na defensa do emprego. “Non podemos agardar a que os problemas se resolvan sós; unha vez máis somos os traballadores/as os que temos que loitar polos nosos postos de traballo; debemos de asumir tamén a nosa responsabilidade e non podemos ser cómplices da destrución dun sector industrial que leva máis de 100 anos tirando da economía desta comarca”.

A CIG denuncia que xerar expectativas sobre un posíbel pacto social co PP é “unha fraude” e pide a dimisión do goberno

paula.castro — Thu, 16 May 2013 18:20:27 +0200

Galería de imaxes

Na concentración celebrada en Compostela diante do edificio administrativo da Xunta de Galiza, o secretario xeral, Suso Seixo, cuestionou non só o momento no que se está a promover este novo pacto, senón tamén os resultados obtidos de pactos anteriores. “Sempre provocaron unha importante perda de dereitos para a clase traballadora pola vía de introducir máis flexibilización laboral, empeorar as condicións salariais, promover incentivos para as empresas ou favorecer a contratación temporal”.

Lembrou que, como agora, sempre se recorreu á escusa de que estes acordos permitirían crear emprego cando o certo é que “só favoreceron que as empresas incrementaran os seus beneficios a custo das traballadoras e traballadores renunciar ás súas condicións laborais”. En concreto subliñou o último pacto acadado, que supuxo reformar as pensión e atrasar a idade de xubilación aos 67 anos.

Ante isto afirmou que “é un engano á poboación” e alertou de que o que provocan é a desmobilización, cando nestes momentos, é imprescindíbel facer todo o contrario. “Hai que mobilizarse para exixir outro tipo de políticas, porque é imposíbel pactar medidas favorábeis á maioría social cando é evidente que non hai vontade algunha por parte do goberno, nin da patronal”.

O secretario xeral da CIG asegurou que o goberno non vai retirar as reformas laborais, nin a reforma das pensións, nin reformar o sistema fiscal para que pague máis quen máis ten, nin aplicar medidas que permitan perseguir a fraude fiscal, nin aprobar partidas orzamentarias para facer investimentos públicos na economía produtiva. Por iso considerou que o que se está a vender é “fume” e demandou a dimisión do goberno e a inmediata convocatoria de eleccións para que se mude a correlación de forzas e se poñan en marcha políticas favorábeis, de verdade, á maioría social: á clase traballadora.

Nova concentración da CIG-Ensino na Guarda para reclamar a readmisión das despedidas/os no centro San Xerome Emiliani

ivan — Thu, 16 May 2013 17:52:41 +0200

A campaña de recollida de sinaturas púxose en marcha o pasado sábado 11 e estará aberta mentres exista unha demanda social para expresar por este medio a solidariedade coas persoas represaliadas no San Xerome. De feito, a campaña iniciouse despois de que moitas persoas pedisen un documento no que expresar o seu apoio ás persoas despedidas.

Esta semana cumpriuse un mes de mobilizacións. A CIG-Ensino volve lembrar que estas protestas teñen por obxecto reclamar a readmisión das persoas despedidas e denunciar que estamos ante un caso de represión sindical, “no que se busca enviar a mensaxe de que as persoas que se posicionen contra a dirección poderán perder o seu posto de traballo, e iso malia que o San Xerome xa perdeu no seu día dous recursos por teimar en impoñer o seu criterio e ten dúas sentenzas desfavorábeis do TSXG”.

A CIG-Ensino anima a todas as persoas que teñan interese en coñecer a realidade do que sucede no San Xerome a que se acheguen a esta concentración.

O Comité de Alimentos Lácteos advirte que o silencio da Xunta deixa a factoría nunha situación moi complicada

begonha.carballo — Thu, 16 May 2013 15:40:11 +0200

O Secretario Comarcal da FGAMT-CIG de Lugo, Christian López Carmona, apuntaba que na reunión empresa e Comité coincidiron en que o non pronunciamento da Xunta e dos seus máximos responsábeis condena a mesma a unha situación moi complicada “na cal non se garanten os tempos necesarios para poder escenificar unha solución e, por tanto, parece significar a perda do, até agora, “interese” manifestado dende a Xunta”.

Doutra banda a dirección da empresa manifestou ao comité a súa negativa a participar sen voz e sen voto no Consello de Administración, “algo que non se comparte nin se viu aceptábel por parte da representación do persoal, dada a situación extrema actual e no que vai supoñer as decisións do Consello no futuro inmediato dos traballadores/as”.

Procesión pola salvación da empresa

Na noite do mércores os traballadores e traballadoras realizaron en Lugo unha procesión pola salvación da empresa, que tivo un seguimento masivo por parte do persoal, quen acudiu incluso acompañado de familiares e achegados/as. O acto tivo punto de partida diante da catedral de Lugo, accedendo á Muralla romana a través da rampa adxacente. O séquito compúñase do emblema principal da factoría, un cartón xigante de “Deleite”, que foi portado a relevos polos traballadores e onde”lucía a data a partir da cal, se non existe unha solución por parte da Xunta, a planta se atopará en situación de concurso de acredores”.

O resto dos participantes na procesión concorreu portando a súa vela correspondente. Destacar que as 80 velas previstas inicialmente, ficaron escasas diante da afluencia do público participante. O percorrido pola Muralla rematou á altura da Praza do Ferrol, dende onde se accedeu á Ronda da Muralla para rematar cunha breve concentración diante da Xunta de Galiza, onde finalmente ficaron de ornamentación e prego unha multitude de velas prendidas. Rematando o acto aproximadamente en torno as 00.15 horas.

O luns, 20 de maio, terá lugar a vindeira asemblea de traballadores, ás 12.00 horas, nas instalacións da factoría en Outeiro de Rei.

Traballadores/as de Teleperformance maniféstanse até as oficinas de Gas Natural Fenosa en contra dos despedimentos

begonha.carballo — Thu, 16 May 2013 15:27:10 +0200

A marcha partiu ao mediodía día dende o Polígono da Grela ao berro de “Gas Natural decide Teleperformance despide”, “despedidos/as readmisión” ou “moita bolboreta e os galegos coa maleta”, discorreu pola Avenida de Fisterra ante a mirada sorprendida de peóns e condutores/as e algún que outro aplauso solidario, para rematar cunha pequena concentración diante da oficina comercial que Gas Natural Fenosa ten na rúa Fernando Macías.

Con esta nova xornada de protestas, na que tamén estaba convocado un paro de dúas horas, os traballadores/as queren esixir a readmisión dos 43 compañeiros/as despedidos/as na campaña de Gas Natural Fenosa así como do persoal que a empresa está a despedir noutras campañas e servizos para “facer oco” para recolocar a empregados/as de Unión Fenosa Comercial.

A este respecto, dende a Sección Sindical da CIG en Teleperformance lembraron que lonxe das cifras de destrución de emprego dadas pola prensa aos medios de comunicación, serán uns 75 os/as traballadores/as afectados/as pola decisión de Gas Natural de eliminar Unión Fenosa Comercial. Estes despedimentos, critican os delegados/as da CIG, cébanse sobre o persoal con pouca antigüidade (3 anos ou menos), e que, por este feito, teñen máis problemas para defendérense nos tribunais deste inxusto trato.

A estes despedimentos hai que engadir tamén os afectados/as indirectos/as que son todos os demais traballadores e traballadoras que, polo de agora manteñen o emprego porque lles cambian de quendas, horarios, servizos, etc.

Ao remate da manifestación ás portas das oficinas da compañía eléctrica, volveuse advertir que a empresa non está informando a clientela de Unión Fenosa Comercial, que a partir do próximo 1 de xuño pasarán a ter contrato con Gas Natural Servicios, nin do que o cambio poida comportar. Un destes cambios, explican dende a Sección Sindical da CIG, vai ser a imposibilidade de ser atendido en galego no Servizo de Atención ao Cliente, que deixa de ser prestado na plataforma de Teleperformance na Coruña.

Así mesmo, púxose o acento no feito de que cando un cliente chama para contratar o seu servizo á Comercializadora de Último Recurso, na maioría dos casos é desviado fraudulentamente e sen o seu coñecemento para contratar con Gas Natural Servicios no Mercado Liberalizado, e non na Tarifa de Último Recurso onde orixinalmente desexaba contratar. Desde a CIG xa se advertiu que se vai pór en coñecemento do Instituto Galego de Consumo esta fraude.

Concentración para reclamar da Panadería Bollería Majufer que abone as indemnizacións ao persoal despedido

begonha.carballo — Thu, 16 May 2013 14:39:11 +0200

Durante a protesta, o Secretario Comarcal da FGAMT-CIG de Lugo, Christian López Carmona, destacou que case a metade dos despedimentos se realizaron contra traballadores en situación de baixa médica “que casualmente se correspondían cos traballadores de maior antigüidade na empresa”.

Para o responsábel sindical, esta decisión constitúe unha manobra para que, aproveitando a actual reforma laboral do Partido Popular, “se precarice o despedimento e a situación dos traballadores que os estaban a substituír durante a súa baixa médica”.

Dende a CIG, que ostenta a representación sindical, denúncianse estes despedimentos como inxustificados, pois non obedecen ás situacións definidas pola empresa, senón a unha situación que está a forzar a propia firma de eliminación de rutas e clientes. De feito, destaca López Carmona, até o presente “foron os traballadores os que estaban a defender e manter o nivel de ventas nas rutas, ao tempo que sempre se avalou a realización de novas iniciativas comerciais para manter o nivel de ventas, esforzos que en ningún caso foron correspondidos pola empresa”.

Neste sentido, dende a central sindical denúnciase a manobra da empresa tendente a efectivizar o pagamento dos salarios pendentes e das indemnizacións de xeito fraudulento a través do Fondo de Garantía Salarial, “unha vez máis, en sintonía coa práctica habitual que están a empregar un bo número de empresas baixo o amparo das últimas reformas nos despedimentos por causas obxectivas”.

Dende a FGAMT-CIG lembran que a Panadería Bollería Majufer ten un longo expediente de incumprimentos en materia laboral, sendo reincidente nos incumprimentos de pagamento de salarios e no relativo ao incumprimento da xornada laboral.

Xuízo a ThyssenKrupp Elevadores por prescindir dun falso autónomo que solicitou o recoñecemento como asalariado

begonha.carballo — Thu, 16 May 2013 10:26:42 +0200

O traballador, que presta servizos para ThyssenKrupp dende 2008, encadeou varios contratos até que a empresa lle informou que “non había traballo para que continuara no cadro de persoal” e que debía darse de alta como autónomo. A partir de entón, a multinacional continuou recorrendo aos servizos do operario nas mesmas condicións, mais xa como traballador por conta propia.

Porén, pasado un tempo, o afectado denunciou a súa ilegal situación na Inspección de Traballo, que iniciou unha investigación e abriu un acta de infracción contra ThyssenKrupp Elevadores. Como consecuencia, a autoridade laboral tramitou a alta de oficio no Réxime Xeral do traballador, ao entender que se trata dun falso autónomo e que existe unha relación laboral indefinida entre operario e empresa dende o inicio da prestación de servizos no ano 2008. Unha situación na que tamén se atopan outros compañeiros.

Como vén sendo habitual nesta empresa, a reacción inmediata dos responsábeis do centro da Coruña limitouse a presionar e coaccionar ao persoal autónomo para que recorresen a alta de oficio, ameazando con prescindir dos servizos daqueles traballadores/as que se posicionasen “contra a empresa”.

Ante estas ameazas, o traballador presentou papeleta de conciliación na Consellaría de Traballo para que se recoñecese por sentenza a súa relación laboral coa empresa. Para a súa sorpresa, tan só once días despois foi despedido, comunicándoselle que xa non había traballo para el, que marchase para a casa e que o chamarían cando tivesen actividade. Unha decisión que para a CIG-Metal supón unha clara represalia contra o traballador por tentar ver recoñecidos os seus dereitos.

Así as cousas, o empregado presentou demanda por despedimento conta a empresa, solicitando a nulidade do mesmo por vulneración do dereito á tutela xudicial efectiva ou, subsidiariamente, a improcedencia por non existir causa que o xustifique.

A Xunta celebra o ‘Día da Familia’ mandando á rúa a 59 traballadores/as da administración

paula.castro — Thu, 16 May 2013 09:24:07 +0200

“A Xunta prefire gastar os cartos que detrae dos servizos públicos nun vídeo casposo e retrógrado, con ese arquetipo de familia “Cuéntame”, pobre pero feliz, inculcando as mesmas mensaxes coas que o telexornal nos ilumina cada día”, denuncian.

O sector da Autonómica fai un percorrido polas mensaxes que deixa o video da Xunta para explicar as políticas da Xunta:

NON GASTAR MÁIS DO QUE SE TEN. “E para iso nada mellor que che leve de vacacións, pola cara, o teu amigo narcotraficante, a sitios onde había neve pero dos que nin te lembras”.

DAR MÁIS A QUEN MÁIS O NECESITA. “Privatizando e amortizando prazas nos Centros de discapacitados e nos centros de maiores, pechando centros de saúde, subindo as matrículas universitarias...”

CENTRARSE NO VERDADEIRAMENTE IMPORTANTE. “O déficit, evidentemente, que nos aplaudan os señores da troika, aínda que aquí medre a miseria e o paro”.

TEMOS O MELLOR MODELO DO QUE APRENDER... AS FAMILIAS GALEGAS. “Pero de que familias nos falan? das mesmas que están machacando? E onde quedan as familias monoparentais, por exemplo?”

NON FACEMOS NADA QUE TI NON FARÍAS. “Isto xa é o “non vai máis”, pero que rostro ten esta xente!!! Quitarnos as extras é algo que ti mesmo te farías a ti mesmo, propoñemos que o seguinte recorte se faga de xeito voluntario, incentivando ao conxunto de empregadas e empregadas públicas a baixarse o soldo de xeito optativo, incluso na cantidade que valoremos, todos e todas, canto nos sobra e canto podemos aportar para saír desta crise que nos merecemos, por non ser, todos e todas, unha familia perfecta. PD: E non vale levar os cartos para Suíza ou cobrar en sobre.

Por certo, todo este spot do que a Xunta do PP entende como unha familia galega ideal vai aderezado cunha pastelosa canción no idioma propio das familias galegas: o inglés”.

A secretaría da Muller da CIG denuncia o ataque “retrógrado” do PP aos dereitos sexuais e reprodutivos da muller

paula.castro — Wed, 15 May 2013 20:14:19 +0200

A Secretaría da Muller da CIG denuncia o “ataque retrógrado” por parte do Partido Popular, contra o dereito de autodeterminación das mulleres, e a propia argumentación exhibida polas súas parlamentarias, incidindo na defensa do que elas chaman sen ningún rigor científico “a vida en formación”, no canto de velar pola vida das mulleres.

Margarida Corral, secretaria confederal de Muller alerta de que “estamos a piques de volver ás interrupcións do embarazo clandestinas, a piques de ser privadas de dispositivos que garantan o noso acceso informado aos métodos anticonceptivos seguros”. Unha situación que considera “inaceptábel”, ao igual que o feito de que non se cubran as prazas nos Centros de Planeamento Familiar e que, pola contra, “utilicen argumentos ideolóxicos para evitar que as mulleres teñamos decisións sobre os nosos corpos”.

Asegura que é ousado “acusar ás mulleres de cometermos asasinatos selectivos, cando nos constatan unha malformación fetal e pretendemos acollernos a este suposto” e pregúntase “onde están os dereitos desas ‘futuras persoas con diversidade funcional’ unha vez que nacen”, logo de acometer un recorte sen precedentes nos servizos sociais públicos e nas prestacións e axudas relacionadas coa lei de dependencia. “Negar a capacidade das mulleres de decidir por si mesmas é un ataque sen precedentes ao noso dereito máis elemental”, afirma.

A secretaría da Muller da CIG denuncia tamén que pretenden volver poñer á muller no papel de tutelada, como suxeitos pasivos que non teñen capacidade de decidir sobre a súa vida, que dependen da autorización dos proxenitores, das parellas, dos consellos hospitalarios ou da obxección de conciencia dos médicos. “Que mesmo teñen menos dereitos ca o do cigoto, embrión ou feto que albergan no seu corpo”, subliña Corral, que proclama que “o aborto non é un delito, é un dereito, que como tal debe abordarse dentro da rede sanitaria pública, e desde logo, fóra do Código Penal”.

Campaña antiabortista

A Secretaria da Muller referiuse ademais á campaña de presión financiada por varias entidades antiabortistas, que baixo o epígrafe #Borraelaborto, veñen de instalar valados publicitarios en varias cidades de Galiza -preto de 150 en 17 cidades do estado español-, á que se sumarán anuncios en televisión e cuñas de radio en varios medios de comunicación, para exixir ao ministro de Xustiza, Alberto Ruiz-Gallardón, que impulse a derrogación da lei do aborto de 2010 e elabore unha nova lei de Aborto Cero.

A este respecto, Corral lembra que a reforma proposta contradí o Tratado Internacional dos Dereitos Humanos, cuestión que foi advertida xa hai preto dun ano polo Comité sobre os Dereitos Económicos, Sociais e Culturais da ONU, instando ao Goberno a garantir o aborto libre e de balde. E exixiu revisar o convenio da Xunta de Galiza con Red Madre para asegurarse de que esta entidade non estea detrás do financiamento desta campaña ultraconservadora.

Manifestación nacional, o 17 de maio, baixo o lema “Non queremos ser estranxeiras na nosa Patria. Queremos galego!”

paula.castro — Wed, 15 May 2013 19:32:51 +0200

Queremos galego fai este chamamento lembrando, no manifesto publicado con motivo desta data, que “o noso idioma, o galego, é a base fundamental sobre a que nos sustentamos como pobo. Se deixamos que esa base se estrague, todo canto se apoia nela, a nosa esencia como galegos e galegas, abaneará como a terra nun sismo devastador”.

A plataforma denuncia que o goberno galego, que debería promocionar e proxectar a lingua propia de Galiza, “en lugar diso fai xustamente o contrario”, levando adiante medidas que só afondan nos retrocesos que o galego está a sufrir. Entre outras sinala o mal chamado decreto de plurilingüismo, que “mingua as posibilidades de uso no ensino a mínimos históricos desde a existencia da Lei de Normalización Lingüística”.

Xunto a isto, denuncia un marco xurídico escaso en canto á protección da lingua galega e das persoas que a falan, e que mesmo así “é burlado de xeito tan esperpéntico” como o acaecido recentemente, cando un xuíz que declara sen vergoña ningunha incumprir a Lei que le mesmo debería facer cumprir, insiste na desvergoña conseguindo que se volva xulgar ao Presidente da Mesa pola Normalización Lingüística e Portavoz de Queremos Galego! Por lle ter lembrado que debe respectar a Lei, ademais de facela respectar.

Tampouco esquece a plataforma un Estado que “abafa”, promovendo leis que máis parecen de tempos pasados que do século XXI. “Leis que insisten en relegar a nosa lingua a un segundo, ou mesmo terceiro plano, facendo máis grande a fenda que separa en canto a dereitos ás persoas galegofalantes das que falan a lingua de Castela”.

O manifesto conclúe que “unha lingua rica e fermosa, unha lingua coa que se pode facer ciencia e cantar, unha lingua na que podemos escribir fermosos versos, libros de matemáticas ou facturas de servizos que empregamos. A nosa lingua. Falémola, amémola, respectémola, defendámola”.

Mobilización solidaria en Vigo para reclamar o mantemento do servizo de atención telefónica en galego de Gas Natural-Fenosa

ivan — Wed, 15 May 2013 19:27:38 +0200

Delegadas e delegados da CIG no sector de telemárketing -en particular das empresas Bosch e Unísono- concentráronse esta mañá de 11.00 a 12.00 horas diante das instalacións nas que Gas Natural Fenosa presta os servizos de atención ao cliente en Vigo, en vía Norte, para “apoiar o conflito aberto no sector na cidade da Coruña” e “sensibilizar socialmente do valor engadido do noso idioma no mantemento dos postos de traballo no sector de atención telefónica”.

Segundo explican dende a federación de Banca, o que sucede en Fenosa non é un caso illado, xa que “gran parte das grandes empresas teñen subcontratada a atención telefónica á clientela sen que estas presten o servizo en galego". Ao mesmo tempo denuncian que en moitos casos pecháronse servizos propios presenciais en Galiza, “deslocalizando postos de traballo”.

Segundo os cálculos da CIG-Telemárketing, se as empresas cubriran a demanda de atención en galego e existira unha maior concienciación social ao respecto en Galiza poderían crearse preto de 3000 postos de traballo a curto prazo. “Temos dereito a ser atendidos/as en galego e ademais exercendo este dereito contribuiríamos a crear postos de traballo”, afirma Laura Pérez Figueroa, responsábel da CIG no sector.

Durante a concentración, ademais de despregar unha faixa reclamando o uso do galego nos servizos de atención telefónica, berráronse consignas en defensa dos postos de traballo e do idioma propio do país como “Unión Fenosa atende en Galego e non destrúas máis emprego”, “Na Galiza en galego”, “Postos de traballo na nosa terra” ou “Falar galego é natural, non aos despedimentos de Gas Natural”.

A CIG en Teleperformance advirte da existencia de irregularidades en servizos de atención de Gas Natural Fenosa

begonha.carballo — Wed, 15 May 2013 18:40:51 +0200

1. A Clientela de Unión Fenosa Comercial, con data 1 de Xuño, pasarán a ter contrato con Gas Natural Servicios, sen que a día de hoxe fosen informados deste feito, nin do que o cambio poida comportar. Un destes cambios, explican dende a Sección Sindical, vai ser a imposibilidade de ser atendido en galego no Servizo de Atención ao Cliente, que deixa de ser prestado na plataforma de Teleperformance na Coruña.

2. Esta falta de información ao consumidor súmase ao feito de que cando un cliente chama para contratar o seu servizo á Comercializadora de Último Recurso, na maioría dos casos é desviado fraudulentamente e sen o seu coñecemento para contratar con Gas Natural Servicios no Mercado Liberalizado, e non na Tarifa de Último Recurso onde orixinalmente desexaba contratar. Desde a CIG vaise pór en coñecemento do Instituto Galego de Consumo esta fraude.

3. A decisión de Gas Natural Fenosa provoca que Teleperformance despida de xeito fraudulento a uns 75 traballadores e traballadoras (incluíndo falsos despedimentos disciplinarios, eventuais e interinos/as non renovados e, recorrendo ao uso do artigo 17 do convenio, desfarase de 43 contratados/as por obra). Estes despedimentos, critican os delegados/as da CIG, cébanse sobre traballadoras/es con pouca antigüidade (3 anos ou menos), e que, por este feito, teñen máis problemas para defendérense nos tribunais deste inxusto trato.

4. A estes despedimentos hai que engadir os afectados/as indirectos/as que son todos os demais traballadores/as que, polo de agora, manteñen o emprego porque lles cambian de quendas, horarios, servizos, etc…

Manifestación este xoves 16 de maio

Así as cousas, mantense o calendario de mobilizacións no mes de maio na defensa dos postos de traballo e o xoves 16 de maio está convocada unha manifestación ás 12:00 dende o centro de traballo na rúa Newton Nº 5, pasando pola avenida de Fisterra, até a oficina de atención presencial de GNF na rúa Fernando Macías nº 4 (edificio Conde de Fenosa).

Mobilización solidaria en Vigo para reclamar o mantemento do servizo de atención telefónica en galego de Gas Natural-Fenosa

Continúan as mobilizacións contra a contratación “a dedo” de persoal no CHUS

paula.castro — Wed, 15 May 2013 18:36:03 +0200

Galería de imaxes

Malia as inclemencias meteorolóxica, e a pesar de estar a maior parte do persoal en quenda de mañán no seu posto de traballo, esta mañá citábase unha máis que respetábel cantidade do persoal de quirófano e das listas de contratación diante da porta do SERGAS.

Alí fixeron entrega no rexistro dun escrito dirixido á conselleira e a Xerenta do Sergas, explicando as decisións da Dirección de Enfermería na provisión de certos postos de traballo e a “aunténtica atrocidade” que se está a cometer co persoal das listas de contratación, na que sin estar apuntados no pool, son utilizados con contratos "lixo" a modo de pool, producíndose unha diminución máis que considerable das horas de traballo duns meses a esta parte cando a actividade non quirófano non diminuíu.

Um apontamento a respeito da nova Lei Galega da Função Pública, denominada: Lei do Emprego Público en Galiza

paula.castro — Wed, 15 May 2013 17:39:37 +0200

A lei, é em desenvolvimento do EBEP, Lei 7/07.

A quem se aplica:

1- À administração autonómica da Galiza e aos organismos autónomos e entes e entidades instrumentais dependentes. (funcionários e laborais).

2- Ao pessoal de todos os entes estatutários da Galiza, Parlamento, Conselho de Contas, Conselho Consultivo...

3- Ao pessoal das administrações locais da C.A, da Galiza, aos organismos autónomos e entes e entidades instrumentais dependentes. (funcionários e laborais).

4- Ao pessoal do ensino, e pessoal sanitário

5- Às universidades.

-Isso sim, sem prejuízo, de especialidades legislativas que existem referentes a escalas e rogaos estatutários.

Caraterísticas da lei:

– A Lei é em grande medida uma transposição de muitas partes do EBEP, e do Decreto Legislativo 1/2008, mas com mudanças muito significativas, algumas de jeito pouco chamativo e outras desenvolvendo em profundidade aspectos que são absolutamente novos.

– A lei segue nalgumas matérias o caminho tracejado pela Lei 6/2010 LOFAXGA, e leva em paralelo outro anteprojeto de Lei o de Racionalização do Setor Público Autonómico. (que a adm., diz que não vai negociar com as organizações sociais)

– É uma Lei muito densa, porém continuamente está invocando um futuro desenvolvimento de múltiplas peculiaridades por via regulamentar.

– É uma lei perfeitamente ajeitada para impulsionar o desmantelamento do aparato administrativo e caminhar, nesta administração tão sectariamente politizada, para uma administração absolutamente digital, é onde desaparece a necessária independência dos empregados públicos no desenvolvimento das suas tarefas, por converter-se o sistema de promoção num sistema de cooptação do pessoal desde a cúpula política. Para este gente o modelo das administrações decimonónicas, ou o atualmente vigente em Guatemala (assim lhes vai), onde os câmbios políticos levavam o cessamento maciço de empregados -os famosos cessantes-, é o ideal, além disso, sentindo-se como se sentem no seu coração pre-democrático, donos naturais do poder, que mais se vai poder dizer.

– Tenta-se ao longo de todo o texto reduzir a participação dos empregados em todo tipo de processos, desaparecendo do texto nos aspeitos significativos, a representação sindical, até agora existente.

O Governo de Feijó é muito bom em aparentar que se informa e discute o anteprojeto(s) com a representação dos empregados e demais interessados sociais, mas a sua mão de ferro -por muito que lhe ponham luva de veludo- age mecânica e autoritariamente, impondo uma maioria que é antítese do que é a democracia, tanto na via de elaboração do anteprojeto como logo no Parlamento, confundindo maiorias com razões e desconhecendo qual é o pensamento que se corresponde a tradição liberal europeia, no seu melhor sentido. Mas claro, um PP filho da ditadura franquista não leva nos seus genes a John Locke, Hobbes, Tocqueville, Montesquieu etc. e desconhecem que o secreto e a força da democracia é a de integração das “minorias” e não o asovalhamento polas maiorias... que no caso destes senhores leva a sua boa dose da irracionalidade brutal e do supremacismo mais submetedor, que esteve sempre na base do que de pior houve na história peninsular. De aí que acredite o PP que o melhor jeito de alavancarem-se no poder, são sistemas eleitorais ad hoc, a velha técnica política flibusteira do Guerrymandering.

OS TRÊS ASPECTOS ONDE O PROJETO DE LEI É MAIS ANOVADOR, E ALÉM DISSO, UMA TROPELIA.

A – PESSOAL DIRECTIVO

– O Título III -capítulo II está dedicado ao Pessoal diretivo

– O pessoal diretivo aparece sem se desenvolver nada no artigo 13 EBEP. Neste projeto de Lei estamos ante o desenvolvimento que se faz para a Galiza. Dizer-vos que não seguem os desenvolvimentos que na matéria já se tem produzido nalgumas C.A.s governadas pelo PP.

– Não se estabelecem nem quadros de postos diretivos, nem processos de eleção e cessamento, nem tamanhos e volumes de unidades, nem se quando se incorporar em entes instrumentais

-pessoal diretamente da rua para dirigirem a administração-, qual vai ser o processo certo e ajeitado de seleção, nem processos de avaliação e de remoção de diretivos etc. Em realidade fica todo isso para um futuro desenvolvimento regulamentar.

Que é logo o que se configura no anteprojeto:

– 1- Uma carreira diretiva, que consiste em que quando um se faz diretivo isso é ad aeternum, (se não fosse, -é dizer, incorporado de fora ao que não se renova- terá a correspondente indenização pela sua alta responsabilidade).

– Este pessoal diretivo fica fora das normas reguladoras da Função Pública incluída a Lei do empregado público, das RPTs e entra nuns quadros de pessoal específico, - e vai ter retribuições que não se correspondem com as dos empregados públicos-.

– Em realidade o Capítulo II configura um limbo administrativo no que o poder vai poder colocar os seus (a objetividade está muito agachada no projeto de Lei), e que com esses não vai funcionar a austeridade. Música que infelizmente soa demais pola sua frequência.... Aprovação todos os dezembro pelo Conselho da Junta de retribuições especiais, duplicidades de retribuições de cargos do partido, regalias em envelopes e demais.

B – CARREIRA PROFISSIONAL

– O Título VI -capítulo II dedicado à Carreira profissional, e capitulo III dedicado à Mobilidade do pessoal

– Todo o sistema que está em vigor na administração, onde os postos têm um nível determinado, e o funcionário/a vai consolidando o seu grau segundo os postos que vai ocupando desaparece. Agora configura-se uma carreira administrativa. Lembramos que essa carreira administrativa já existe nos âmbitos da sanidade e do ensino, e que se fundamenta o progresso nela em dous critérios para esses colectivos: antiguidade e formação (que vão conseguindo ao longo da sua vida profissional). Está carreira administrativa do anteprojeto, já que logo não é de aplicação aos quadros de pessoal de sanidade e ensino por terem desenvolvida a sua própria carreira profissional)

– 1- Aparece progressão interna horizontal e vertical.

– 2- Substitui-se o sistema tradicional por uma carreira administrativa conformada por três categorias dentro de cada corpo – Inicial, Médio, e Superior- divididos cada uma dessas categorias em três graus (que se poderiam acrescentar), isso é o mesmo do já acordado noutras administrações que desenvolveram o EBEP, o que faz pensar que se deu um acordo homogeneizador no estado entre as distintas C.A,s. (Lembramos que O EBEP era básico e o seu desenvolvimento pode ser muito distinto em cada C.A. Ou no estado)

– Novidades que isso significa:

– Para acessar aos postos já não há abertura entre grupos, pois se exigirá uma determinada categoria na carreira profissional horizontal.

– Perdem-se vantagens na via de promoção interna, assim como a obriga de antes o concurso, da ocupação de vagas pelos de novo ingresso. Mas uma novidade as praças na prática vão ficar abertas às outras administrações, especialmente a local da Galiza, e ainda que há um limite do 7% por convénio podem ser todas (verbi gratia: convénio Junta /Fgamp). É uma lei da F. P. Local da Galiza mas não configura um sistema de traslados entre concelhos regulado pola Junta, que não é contrário a autonomia local constitucional, de facto já existe para determinados corpos, secretários, interventores...(na adm. estão muito esperanciados nesta lei, aguardam que lhes serva para resolverem problemas de pessoal enviando-os para a adm. Autonómica! )

– O progresso na carreira passa a depender da avaliação interna.

– Aos órgãos avaliadores lhe tiram a participação sindical, e configura-se uma avaliação apoiada em princípios absolutamente subjetivos e sem processos objetiváveis, pois marca-se que o que se avalia é: iniciativa, esforço, e grau de interesse, sendo determinante o informe do superior responsável da unidade. (É curiosa a comparança com quem tem já carreira profissional -saúde e ensino-, e o sistema de progressão que tenhem estabelecido.

– Os concursos de traslados passam-se a ser de Conselharia, específicos de postos, de área, específicos de grupos, … vamos que o raro vai ser olharmos concursos gerais, e com o novo sistema, tudo passa-se a ser uma espécie de variante das LD matizadas. Impresionante, a ideia que tem esta gente da administração e da carreira administrativa, velha aspiração dos empregados públicos, faz que com o seu modelo tudo se converta em água de bacalhau.

C – LÍNGUA GALEGA, a própria e nacional da Galiza

– O Título V -capítulo I. Seleção de empregados públicos, artigo 50

– A língua da Galiza é um dos principais valores económicos do nosso país, além de outras muitas cousas, nela somos no mundo1.

1 A nossa língua, além disso, por ser oficial de nove estados sob o nome de português e ter mais de 260 milhões de falantes tem um estatuto internacional similar ao do castelhano. (Não é casualidade que na Galiza os galegófobos impulsionem um modelo de galego que em realidade é castelhano em galego).

– Quando entrou na cena política o governo galegófobo de Feijó, a primeira disposição legal que adota é a lei 2/2009 pela que se modifica o artigo 35 do texto Refundido da Lei da Função pública, que fora aprovado por unanimidade da assembleia parlamentar, na Lei 13/2007.

– O Feijoeismo na sua modificação da lei da F.P., com a Lei 2/99, (que dera lugar a importantes mobilizações dos empregados públicos), não volta ao texto anterior, ao velho texto da Lei 4/88, também aprovado por unanimidade, se não que aproveita para degredar a consideração da Língua, no âmbito da administração.

– Aproveita-se esta nova Lei da Função Pública para desde o governo da Galiza, impulsionar a degradação um bocado mais e significativamente, da língua da Galiza.

– A regulação dos direitos linguísticos vai com apostilas legais diminuintes, e exprime-se de forma clara que a língua oficial é a castelhana, perdendo no texto,o galego, tal e como está redigido o de própria, qualquer caráter de oficialidade (cooficialidade), num ato de despreço ao povo galego, dando a reviravolta a significados jurídicos até agora pacificamente aceites.

– Mas de quem na Galiza, sob a égide desse think tank da reação que é FAES, começou instalando um sistema de ensino, que garante que os alunos não saberão nunca a sua língua, nem a castelhana (a que lhe fazem um fraco favor), nem a inglesa; mas como os efeitos mais perniciosos se produzem na nacional da Galiza, enterram-se dinheiros, em tempos de austeridade, em asneiras irracionais e antipedagógicas.

Desde a CIG, além de centrar-nos nestes três apartados que marcam a linha mais inovadora do anteprojeto de Lei, realizamos centenas de alegações a muitos artigos, ainda sabendo que a mecánica que se gasta o feijoeismo, não é a de falarem e consensuarem nada, pois consenso confundem-no com a expressão sim bwana ao que dizerem.

CIG-Saúde manifesta a súa oposición ao peche de camas durante o verán e reclama a contratacion de persoal das listaxes

paula.castro — Wed, 15 May 2013 17:10:20 +0200

O director de asistencia sanitaria xustificou o peche de camas durante máis de 3 meses e medio, co argumento de que as camas en funcionamento serán as suficientes para atender a demanda. Para a CIG-Saúde trátase dunha curiosa afirmación, pois “os centros sanitarios non funcionan só a demanda, a maioría da actividade é programada”. E pregúntase se a previsión é que neste período a actividade programada sexa residual.

Tamén se recorre á xustificación de que esta decisión se toma “para eliminar as bolsas de ineficacia do sistema". Fronte a isto, a CIG-Saúde denuncia que non hai nada “máis ineficaz” que unas instalacións sanitarias de alta tecnoloxía a baixo rendemento durante este tempo. “Pregoan publicamente que hai que incorporar elementos de xestión “privada” na sanidade pública. En que empresa privada manterían no seu cadro de directivos/as a persoas que suspenden a actividade durante un tempo tan prolongado con maior custe que beneficio?”

Alertan ademais de que mentres se mantén este Baixo nivel de actividade “empeoran os niveis de saúde da poboación, cun incremento das listas de espera cirúrxicas, de consultas e de realización de probas diagnósticas”.

Dereito a vacacións

Fronte á afirmación da conselleira de que “os profesionais teñen dereito a coller vacacións”. A CIG-Saúde lembra que o persoal goza dun mes de vacacións e non de 3 meses e medio e asegura que o dereito a vacacións é perfectamente compatíbel co mantemento da actividade. Máis cando existen unhas listaxes de persoal para ser contratado, tal e como se fixo historicamente no período vacacional para substituír ao persoal titular e cando esas listaxes se incrementaron exponencialmente nos últimos tempos. “Co peche de camas e a non substitución do persoal no período vacacional, o SERGAS está a incrementar o paro sanitario, condenando aos/ás aspirantes das listas de contratación a non ter nin un só contrato durante o ano 2013”.

Conclúe, a CIG-Saúde asegurando que “pechar actividade non é nin de lonxe unha boa xestión, simplemente é unha medida dun mal xestor que vai privar de asistencia sanitaria programada durante 3 meses e medio a poboación galega”.

O Goberno galego agóchase tras un “estamos traballando” e continúa sen aclarar se apoia o actual proxecto para Alimentos Lácteos

begonha.carballo — Wed, 15 May 2013 17:05:59 +0200

No referente á reunión mantida co máximo responsábel do XesGalicia, o Secretario Comarcal da FGMAT-CIG de Lugo, Christian López Carmona, destacou que, efectivamente, nin se confirmou se existía solución ou a súa inexistencia. En todo caso, constatouse que logo de dous meses de ERE de suspensión temporal dos traballadores/as, e de ter esixido compromisos a todos os “factores” implicados no conflito de Alimentos Lácteos, “continuamos sen solución e, o que é peor, sen que existan perspectivas, datas significativas ou pasos definitivos a concretar nesta semana ou na que vén”, denuncia.

Neste sentido, apuntou López Carmona, “dubidamos das garantías suficientes da Xunta de Galiza, nomeadamente da Consellería de Industria e do señor Feijóo, para implicarse na solución definitiva deste problema e por tanto instamos ao Goberno galego a concretar unha solución e un pronunciamento favorábel definitivo para a factoría de Outeiro de Rei”.

Xa polo serán, o conxunto do cadro de persoal trasladouse ás inmediacións do Parlamento e, unha representación dos traballadores/as, puido seguir en directo o tratamento da proposta do Bloque Nacionalista Galego. Unha proposta que, destacaron, é de mínimos: proposición de reunión de todas as partes afectadas nun prazo inferior aos 15 días, a concreción do plan de viabilidade e a súa dotación económica. Cuestións ás que, “curiosamente, se opuxo o Partido Popular, quen se centrou durante o 99% da súa intervención en crear conflito cos grupos da oposición, sen aclarar en ningún caso cal vai ser a proposta alternativa da Xunta de Galiza para Alimentos Lácteos, toda vez que se negaron a apoiar a proposta dos nacionalistas, pechando, iso si, como é norma nos responsábeis do Partido Popular cun ‘está moi complicada a solución pero estamos traballando niso’”.

“Que nos van seguir dicindo a partir do 28 de maio, cando a empresa entre en concurso de acredores? Que seguen traballando nunha solución? O conxunto do cadro de persoal entende que ten que existir un pronunciamento claro e favorábel neste contexto, pois o contrario é manter o engano e continuar a superar todos os prazos para a supervivencia da factoría”, critica o voceiro dos traballadores/as.

Á vista da situación, este mércores, ás 23 horas, os traballadores e traballadoras de Alimentos Lácteos escenificarán unha procesión, con punto de partida diante da Catedral de Lugo e combinando percorrido pola Muralla Romana, con remate diante da sede da Xunta de Galiza – Edificio Administrativo, na Ronda da Muralla.

Mañá, xoves o persoal terá a reunión semanal coa dirección da empresa Alimentos Lácteos ás 10.00 horas e, de seguido, teñen solicitado a presenza de algún representante do comité no Consello de Administración que ten previsto realizar mañá mesmo a empresa.

La Voz mantén a proposta do 66% e o comité denuncia que o informe económico foi elaborado só para xustificar esa decisión

paula.castro — Wed, 15 May 2013 16:38:24 +0200

A Voz de Galicia pretende abordar unha rebaixa salarial para o seu persoal nos anos 2013 e 1014 que se resume en:

Ano 2013, para os meses que resta de este exercicio (tendo en conta que xa só se aplica a parte do exercicio 2013, a porcentaxe é maior que en 2014).

a) Un 16% sobre as táboas de convenio e un 66% sobre o resto de conceptos de convenio ás/aos traballadoras/es do Grupo I.

b) Un 15% sobre as táboas de convenio e un 66% sobre o resto de conceptos de convenio ás/aos traballadores do Grupo II a IV.

Ano 2014

a) Un 15% sobre as táboas de convenio e un 33% sobre o resto de conceptos de convenio ás/aos traballadoras/es do Grupo I.

b) Un 14% sobre as táboas de convenio e un 33% sobre o resto de conceptos de convenio ás/aos traballadoras/es do Grupo II a IV».

E este era o asunto a abordar na xuntanza celebrada este martes. Unha reunión na que, segundo explica o Comité Intercentros, un economista da consultora internacional Accuracy expuxo o informe pagado pola empresa para xustificar a rebaixa de salarios da Proposta do 66 % e contestou ás preguntas dos asesores do comité con respostas vagas e incompletas.

Ante isto, os asesores do Comité concluíron que o informe “non é un estudo para analizar a viabilidade da compañía, senón que está escrito de forma exclusiva para xustificar unha decisión xa tomada previamente”.

Entre outros aspectos, os asesores do Comité Intercentros subliñaron que no 2012 a cifra de negocios de La Voz de Galicia reduciuse un -6%. Porén, os soldos e salarios rebaixáronse a un ritmo superior (-14%) e o número medio de persoal baixou nun - 13,5%.

Pola contra, os soldos e salarios da alta dirección (unha soa persoa en La Voz de Galicia S.A.) só minguaron un 1%; mentres que as retribucións da alta dirección na sociedade dominante do grupo (Corporación Voz de Galicia) mesmo medraron un 11,8%.

Fontes próximas ao comité sinalan que é “inaceptábel” que se pretenda xustificar esta rebaixa recorrendo aos mesmos datos económicos que a empresa presentou para negociar o actual convenio, no que xa se contemplaban importantes rebaixas salariais, e que agora se pretende inaplicar. Máis cando aínda non se puideron comprobar, en toda a súa dimensión, os resultados da súa aplicación.

Podes seguir en twitter toda a información do comité en @comitevoz

O persoal do CAMF-Imserso de Ferrol suspende o peche semanal para facelo coincidir co aniversario do centro

begonha.carballo — Wed, 15 May 2013 11:26:24 +0200

A diferenza das xornadas anteriores, na asemblea que celebraron ás 14:00 horas, decidiron suspender o peche que estaba iniciado para trasladalo á xornada de celebración do aniversario que se vai realizar este xoves, 16 de abril.

“Durante a xornada de celebración, as traballadoras e traballadores do centro, acompañados por algúns residentes manifestarán abertamente a súa desconformidade coas políticas de recortes que en materia de persoal se están a realizar, causando graves prexuízos tanto para o persoal que traballa no centro como para o persoal que reside ou recibe atención nel”, denuncian dende o Comité.

A CIG convoca asembleas e mobilizacións contra a proposta dun pacto social que suporá máis recorte de dereitos

begonha.carballo — Tue, 14 May 2013 19:27:56 +0200

As delegadas e delegados da CIG sairán de novo á rúa este xoves, día 16 de maio, para denunciar que o pacto social non é a vía; en demanda de que se muden as políticas antisociais e antiobreiras que está a facer o goberno; para exixir a súa dimisión e para que se abra un novo proceso electoral que posibilite que forzas políticas que estean do lado da clase obreira sexan maioría nos Parlamentos.

O secretario xeral da CIG, Suso Seixo, considera que dadas as actuais circunstancias “este é o momento máis inoportuno” para propor un pacto das características do que están a promover os sindicatos españois. Lembra que a CIG é contraria a esa dinámica, logo da experiencia que ten do que foron os pactos sociais asinados até o de agora a nivel de estado. “Normalmente veñen acompañados dunha importante perda de dereitos para a clase traballadoras, ben con medidas de flexibilización das relacións laborais, ben do fomento da contratación temporal ou de medidas para incentivar a contratación temporal”.

Denuncia que so pretexto de favorecer a creación de postos de traballo, até o de agora eses pactos o único que fixeron foi “favorecer o incremento dos beneficios das empresas a custo de que as traballadoras e traballadores renunciaran os seus dereitos”. Alerta ademais de que lonxe de favorecer melloras nas condicións laborais e sociais, o que provocan é a desmobilización da clase traballadora.

A CIG entende que “é un engano que se lle fai de novo á poboación por parte dos participantes nesas negociacións pero, sobre todo, por parte das organizacións sindicais” e que, nestes momentos, o que hai é “mobilizarse para exixir outro tipo de políticas”.

Neste sentido, o secretario xeral afirma que é imposíbel pactar políticas favorábeis á maioría social e que vaian en contra de todas as reformas que se están a ditar, na orde laboral e na orde fiscal, xa que non hai vontade algunha por parte do goberno, nin da patronal de modificalas.

“Transmitir esperanzas en acordos que non son viábeis é unha fraude” asegura, ao tempo que se pregunta “para que, con que finalidade e a cambio de que” se desenvolven estas conversas. “Vaise conseguir que o goberno retire as reformas laborais que fixo, que retire a reforma das pensións, que faga unhas políticas fiscais diferentes para que pague máis quen máis ten, que persiga a fraude fiscal, que faga investimentos públicos para reactivar a economía?”

Seixo conclúe que se non se tratan estes temas, que son os que realmente permitirían reactivar a economía para crear emprego e saír da crise non ten sentido falar de pacto social algún. “É vender fume e sabemos ademais que calquera posibilidade de acordo que asinen as organizacións sindicais neste tipo de mesas vai pasar por renunciar a dereitos, como ocorreu nos pactos que se asinaron para sacar adiante a reforma das pensións, que supuxo o incremento da idade de xubilación a 67 anos. Unha medida que non supuxo, para nada, favorecer a creación de emprego”.

Mobilizacións convocadas.

• Santiago de Compostela: ás 12:00 horas, concentración diante da Xunta de Galiza.

• A Coruña: ás 11:00 horas, concentración diante da Delegación do Goberno.

• Lugo: ás 12:00 horas, concentración-pitada diante da sede do PP (r/Poeta Ramón Cabanillas).

• Vigo: ás 11:30 horas asemblea aberta de delegados/as diante do MARCO.

• Pontevedra: ás 12:00 horas manifestación dende a Praza da Ferreiría até a sede da patronal.

Delegadas/os sindicais do telemárketing protestan diante de Unísono en Vigo para reclamar carga de traballo na cidade

ivan — Tue, 14 May 2013 18:46:26 +0200

A protesta desenvolveuse diante do centro de traballo da rúa Gran Vía 110 de 16.00 a 17.00 horas, tempo no que os afectados/as despregaron unha faixa co lema “Non máis abusos en Unísono” e berraron consignas contra os despedimentos e a precariedade laboral.

Dende a CIG-Banca explicaron que a concentración -que nun principio fora convocada para reclamar carga de traballo para as 97 persoas ás que a empresa lles aplicou un expediente de mobilidade xeográfica- ten por obxecto rexeitar o ERE suspensivo que vén de presentar a compañía de telemárketing.

Neste senso, indican que “Unísono pretende deste xeito que sexa a Seguridade Social a que faga fronte ao custe laboral destes traballadores até que non se resolva o conflito colectivo despois de que o Xulgado decidise a suspensión cautelar do expediente de mobilidade xeográfica”.