O persoal da limpeza da USC continúa coas mobilizacións para exixir a retirada da proposta de recortes na contrata que fixo a Universidade. Recortes que, de efectivizarse, terían graves consecuencias laborais e salariais. Por iso, esta mañá, tras dunha concentración na Praza do Obradoiro, diante do Reitorado, volvéronse pechar na Casa da Balconada, coincidindo coa celebración dunha xuntanza de persoal da USC coa Xerenta.  Transcorrida aproximadamente unha hora da ocupación entrou nas dependencias universitarias, por vez primeira en anos, a policía nacional.

A CIG de TRALUSA (empresa adxudicataria do transporte urbano de Compostela) denuncia que a reestruturación das liñas do transporte urbano vai favorecer a amortización de 5 cinco postos de traballo. Os representantes da central sindical denuncian tamén que esta reestruturación supón a ampliación dos traxectos, en varias das liñas, sen que se modifiquen as frecuencias, o que imposibilita, na práctica, o cumprimento das mesmas. Para a CIG é inadmisíbel que, para cumprir os horarios, se lle estea requirindo aos traballadores que fagan o que sexa necesario.

O Comité de Empresa de CLECE S.A., empresa adxudicataria do servizo de limpeza da Universidade de Santiago vén de denunciar que esta contrata incumpriu o principio de negociación colectiva ao decidir, de forma unilateral, anular o acordo de incremento salarial pactado para este ano. Isto súmase á posibilidade de que a empresa recorra a un ERE de redución de xornada e salario que afectaría a todo o persoal, por mor da decisión da USC de reducir, nun millón de euros, o orzamento que destinaba á contrata.

O persoal da concesionaria de limpeza da USC ocupaba, na mañá deste venres, a Casa da Balconada, para denunciar o recorte, en 1 millón de euros, do orzamento da contrata, as repercusións que isto terá nas condicións laborais e salariais –Clece ten a intención de aplicar un ERE de redución de xornada e soldo- e as consecuencias no propio servizo de limpeza da Universidade.

O auditorio da Casa da Cultura de Bertamiráns quedou pequeno para acoller a todas as persoas que participaron no festival de apoio aos servizos públicos de Ames. Segundo a organización repartíronse uns 500 adhesivos co lema “Eu apoio os servizos públicos de Ames. Non ao peche de servizos e ao despedimento de 9 traballadores e traballadoras”.

A partir das 15:30 horas, traballadoras e traballadores do Comité de Empresa e organizacións universitarias, concentrábanse ante a entrada lateral do reitorado para denunciar os recortes previstos nos orzamentos da USC para este ano. Recortes que se traducen, no caso da contrata de limpeza, en un millón de euros menos e a previsión dun ERE de redución de xornada e salario. A concentración coincidía coa celebración dun Consello de Goberno no que participaban, entre outros, o seu reitor, Juan Casares Long.

Música, poesía, contacontos, monólogos e comunicados. O Comité de Empresa do Concello de Ames e os nove afectados pola proposta de despedimentos presentada polo goberno municipal organizan para o venres, 27 de xaneiro, ás 20:15 na Casa da Cultura de Bertamiráns un festival de apoio aos servizos públicos de Ames. Con este acto a organización pretende facer unha chamada de atención ao goberno de Ames para que desista da súa proposta de peche dos servizos municipais de Normalización Lingüística, Animación á lectura, parte do Servizo de Bibliotecas, Brigada de Medio Ambiente e Radio Municipal e para que reconsidere a proposta de despedimentos que presentou o pasado 15 de novembro.