Unísono anunciou hoxe a presentación dun Expediente de Regulación de Emprego extintivo que afecta a 151 traballadoras e traballadores do centro de Vigo xusto despois de que rematase a concentración convocada polo comité de empresa para rexeitar 40 despedimentos producidos recentemente. A dirección da compañía de telemárketing convocou aos representantes sindicais para entregarlles a documentación e iniciar o período de consulta do ERE. Ao mesmo tempo, adiantou que 117 empregadas/os máis tamén abandonarán a empresa a partir do vindeiro 31 de xullo por fin de obra.

Ducias e ducias de traballadoras e traballadores participaron hoxe nas concentracións convocadas pola CIG nas principais empresas de telemárketing na cidade de Vigo para protestar polo bloqueo da negociación do convenio estatal de Contact Center.

Traballadores e traballadoras do telemárketing da Vigo levarán a cabo o este mércores día 8 concentracións diante principais empresas do sector para demandar a negociación dun convenio colectivo digno e con dereitos, para un sector que en Galiza dá emprego a unhas 8.000 persoas. Esta xornada de loita convocada pola Federación de Banca da CIG chega despois das mobilizacións celebradas recentemente na Coruña.

Traballadores e traballadoras do telemárketing da Coruña concentráronse está mañá diante das principais empresas do sector para demandar a negociación dun convenio colectivo digno e con dereitos, que en Galiza dá emprego a unhas 8.000 persoas. As mobilizacións, convocadas pola Federación de Banca da CIG, terán continuidade o vindeiro 8 de xuño na cidade de Vigo.

As traballadoras e traballadores de Unísono en Vigo secundaron masivamente os paros convocados en protesta polos plans de deslocalización que está a executar a empresa de telemarketing e que provocaron o despedimento de 300 compañeiras/os no último ano. Coincidindo coa protesta, entre as 11.00 e as 12.00 horas pola mañá e de 17.00 a 18.00 pola tarde, realizaron unha concentración diante do centro de traballo da Gran Vía para esixir a readmisión das despedidas/os.

Delegados/as sindicais de Unísono en Vigo realizaron esta mañá unha concentración diante do centro de traballo da Gran Vía para rexeitar os plans de deslocalización que está a executar a empresa de telemarketing e que provocaron o despedimento de 300 traballadores/as no último ano. Dende a sección sindical da CIG anunciaron que seguirán coas mobilizacións e denuncian tamén a paralización do convenio colectivo dende hai 15 meses.

A sección sindical da CIG en Atento A Coruña vén de remitir denuncia á Axencia española de Protección de Datos (AEPD) para que investigue a decisión da empresa de proceder a gravar as conversas dos/as traballadores/as cos/as usuarios/as do servizos e ceder datos identificativos do persoal para o control de calidade, sen especificar nin que datos se rexistrarán nin a que tipo de clientes se vai permitir o acceso aos mesmos.