A executiva comarcal da CIG de Ourense reclámalle ao Ministerio de Fomento que retome os traballos de construción da autovía a Lugo ao entender que se trata dunha infraestrutura fundamental para a cohesión territorial de Galiza. Apostan por axilizar as obras pendentes no tramo San Martiño-A Barrela e consignar e incluír nos orzamentos as cantidades necesarias para acometer os tramos restantes.

A federación da Construción e a Madeira da Confederación Intersindical Galega anunciou que paralizará todas as obras públicas que se acometen en Vigo se o Goberno local non fai nada por regularizar a situación laboral dos traballadores/as. O sindicato nacionalista realizou unha nova acción para denunciar as condicións que padecen moitos empregados/as do sector que desenvolven o seu labor en obras contratadas polas Administracións públicas. Nesta ocasión o acto reivindicativo consistiu na paralización das obras de humanizacións que se están a acometer na Travesía de Vigo e no seu contorno.

A CIG-Construción continuará este xoves coa súa campaña de denuncia da situación laboral que padecen moitos traballadores/as do sector que desenvolven o seu labor en obras contratadas polas Administracións públicas. O novo acto reivindicativo comezará arredor das 11.00 horas no contorno da rotonda con Genaro de la Fuente, á altura de Vía Norte, onde se están a levar a cabo traballos de acondicionamento das beirarrúas contratados polo Concello de Vigo.

Os traballadores que están a levar a cabo as obras de ampliación da Casa do Concello de Nigrán iniciaron hoxe un paro indefinido en protesta polas condicións laborais que padecen. Delegados da CIG e parados do sector da construción concentráronse durante a mañá en solidariedade cos obreiros. A mobilización encádrase na campaña que a central nacionalista está a desenvolver nos últimos meses para denunciar as condicións laborais existentes na maior parte da obra pública que se acomete en Galiza.

Os primeiro resultados das análises realizadas ás mostras recollidas nas obras da central de Caixanova en Vigo confirmaron a presenza de amianto no edificio. Dende a sección sindical da CIG exixiron que se investigue o impacto da exposición do po de amianto e como pode afectar na saúde dos 500 empregados/as que traballan na central.

A Federación da Construción de CIG da Comarca de Vigo, valora como positivo e necesario o acordo asinado polo Concello de Vigo cos Sindicatos para facer seguimento do cumprimento do establecido no plan de obras, producto da aplicación do Fondo Estatal de Inversións neste Concello. O devandito Fondo créase para subvencionar obras públicas como medida contra a crise e tratar de paliar os efectos da mesma, fudamentalmente no sector da Construción. Xa que logo, o seu obxectivo básico é o da creación de emprego.

A CIG de Ourense denunciou diante da delegación da Inspección de Traballo e Seguridade Social nesta cidade o incumprimento de medidas de seguridade contra a empresa que está a executar obras de renovación da cuberta do edificio situado no no 13 da Rúa Coruña da cidade de Ourense, "sen que podamos precisar a razón social exacta da mesma". Reclaman que se levante un acta de infracción, asi como que se paralicen os traballos até que non se cumpra a normativa para o tratamento destes materiais.