Dous anos despois do peche da empresa ourensá Vidreira do Atlántico por imposición da súa patronal, a Axencia Española de Protección de Datos (AEPD), vén de ditar unha resolución estimando a solicitude de Manoel Anxo García Torres (CIG) e 100 traballadores/as máis. En 2009 solicitáranlle á compañía o acceso e entrega das imaxes e sons gravados pola dirección durante as cinco convocatorias de folga desenvolvidas dende xaneiro a marzo dese ano ao entender que estaba a vulnerar o dereito fundamental como é o de folga.

A Fundación para a Orientación Profesional, a Investigación e o Desenvolvemento Tecnolóxico, o Emprego e Formación en Galiza, forGA, no seu centro de Verín,  vén a informar da convocatoria do pasado 17 de febreiro da Dirección Xeral de Formación e Colocación da Consellaría de Traballo e Benestar, que publicou resolución pola cál se convocan as probas de avaliación en competencias clave para acceder ás accións formativas dos novos certificados de profesionalidade (niveis 2 e 3).

A Fundación para a Orientación Profesional, a Investigación e o Desenvolvemento Tecnolóxico, o Emprego e Formación en Galiza, forGA, informa da finalización da acción formativa de “Atención sociosanitaria a persoas dependentes no domicilio, polo que 13 persoas obtiveron a certificación de profesionalidade.

A Fundación para a Orientación Profesional, a Investigación e o Desenvolvemento Tecnolóxico, o Emprego e Formación en Galiza, forGA, vén de clausurar, no seu centro de Verín, o curso preparatorio das probas de Competencia Clave, que se celebrarán en Silleda desde este sábado 29 de outubro.

A CIG realizou onte unha concentración en Verín para para demandar a readmisión dun afiliado inxustamente despedido por organizar unha cea para falar da situación laboral en Banesto. A central nacionalista inicia con esta protesta o calendario de mobilizacións para denunciar un novo caso de represión sindical na entidade bancaria.

A Unión Local da CIG de Verín organizou este venres 21 de xullo un acto ao aire libre en homenaxe ás vítimas do franquismo nas comarcas de Monterrei e Conso Frieiras. A cita foi na Praza da Mercede a partir das 21.30 horas e contou coa participación de numerosos veciños e veciñas, que asistiron á proxección dun documental sobre a represión fascista na zona e á festa popular posterior.

O Xulgado do Contencioso-Administrativo número 1 de Ourense vén de estimar o recurso presentado pola CIG contra o decreto do alcalde de Verín mediante o que se denegara a autorización para difundir con megafonía a convocatoria de folga xeral do pasado 27 de xaneiro. A sentenza establece que a decisión de Juan Manuel Jiménez Morán vulnera o dereito fundamental de liberdade de expresión e o de liberdade sindical e de folga.