O Sector de Transportes da CIG da Coruña remitiu esta mañá denuncia a Axencia española de Protección de Datos para solicitar da institución estatal que investigue e sancione á Ambulancias Xuvias (que realiza transporte de enfermos e accidentados) e ao CHUAC por vulnerar a lexislación vixente en materia de tratamento e protección de datos persoais.

A sección sindical da CIG en Atento A Coruña vén de remitir denuncia á Axencia española de Protección de Datos (AEPD) para que investigue a decisión da empresa de proceder a gravar as conversas dos/as traballadores/as cos/as usuarios/as do servizos e ceder datos identificativos do persoal para o control de calidade, sen especificar nin que datos se rexistrarán nin a que tipo de clientes se vai permitir o acceso aos mesmos.

Despois dun longo proceso iniciado en marzo do 2009 a instancia dunha denuncia presentada pola CIG, a Axencia Española de Protección de Datos atopou a Correos responsábel de filtrar datos de carácter persoal de centos dos seus traballadores a unha empresa totalmente allea. Por este motivo, a AEPD vén de sancionar cunha multa de 6.000 euros á empresa postal.

A AEPD (Axencia Estatal de Protección de Datos) dependente do Ministerio de Xustiza, dirixido por Francisco Camaño que visitará este sábado Galiza, autorizou a Vodafone para que poda deslocalizar os distintos servizos de atención ao cliente que dan traballo en Galiza a mais de 700 persoas subcontratadas por varias empresas de telemárketing.

O pasado 11 de abril de 2007 en pleno conflito polos despedimentos de Atento, a CIG mantivo unha reunión en Madrid coa Axencia Estatal de Protección de Dados, na que estivo presente o director da mesma, Artemí Rallo. O 15 de decembro o Consello de Ministros aprobou o Regulamento que desenvolve a Lei Orgánica de Protección de Dados. Á espera da súa publicación definitiva aparentemente este recolle parte das achegas presentadas pola CIG naquela reunión.