A CIG-Administración Pública demandou ao Concello de Ferrol que readmita de inmediato a dúas traballadores de Servizos Sociais que foron despedidas hai uns meses e ás que a xustiza vén de recoñecer o despedimento improcedente.

A sala do social do Tribunal Superior de Xustiza de Galiza vén de ratificar a sentenza emitida a primeiros de ano polo Xulgado do Social do Ourense, pola que se declaraba improcedente o despedimento dun traballador de Cafersa, obrigando a empresa a readmitir ao operario ou a pagarlle unha indemnización de máis de 12.000 euros. Dende a CIG-Valdeorras valoraron moi satisfactoriamente esta sentenza xa que vén constatar, unha vez máis, a fraude cometida por esta empresa da lousa en materia de contratación.

A CIG vén de facer públicas as sentenzas que declaran improcedentes 52 dos 61 despedimentos do Consorcio Galego de Igualdade e Benestar, e nulos outros 5. A xustiza tan só deu a razón á administración en dous dos despedimentos e noutros dous casos non houbo sentenza porque non se presentou demanda. Tamén obriga á Xunta de Galiza a pagar indemnizacións de entre 15.000 e 16.000 euros a cada un dos traballadores/as despedidos e os salarios de tramitación.  Para a CIG o resultado das demandas é demoledor. Por iso reclama da Xunta de Galiza a readmisión de todas/os traballadoras/es e a restitución do servizo público que se viña prestando desde o Consorcio.

A Fundación para o Fomento da Calidade Industrial e o Desenvolvemento Tecnolóxico de Galicia, dependente da Consellería de Economía e Industria, efectuou nos últimos días novos despedimentos de persoal técnico, recoñecendo a improcedencia dos mesmos e sen sequera polo en coñecemento previo dos representantes sindicais do Comité de Empresa. Este mesmo mércores a Fundación rescindía o contrato a seis traballadores/as.

A CIG-Autonómica denunciou publicamente o desmantelamento que a Xunta de Galiza está a levar a cabo das fundacións creadas polo bipartito destinadas á investigación e o desenvolvemento tecnolóxico. O goberno galego vai despedir a máis de 100 traballadores/as destes centros, recoñecendo explicitamente a improcedencia dos mesmos, sen garantir a continuidade da actividade. As notificacións comezaron a chegar logo de que a CIG preavisara da celebración de eleccións sindicais o pasado mes de setembro.

Os traballadores e as traballadoras de SEAGA retomaron as accións de protesta esta mañá, desta volta despregando dúas faixas dende unha das terrazas de San Caetano nas que se podía ler “Servizo Público, Emprego Estábel” e “SEAGA solución”. Con esta medida, o persoal do servizo contra incendios quere chamar a atención sobre a súa problemática situación laboral, que logo das mobilizacións levadas a cabo antes do verán, continúa sen solucionarse, así como exixir ao conselleiro de Medio Rural que aclare cal vai ser o futuro da empresa.

O Comité de Empresa de Audasa vén de anunciar a convocatoria de dous paros, o 18 e o 27 de marzo, no treito da AP-9 que discorre pola provincia de Pontevedra, para denunciar os despedimentos que a empresa concesionaria está levando a cabo entre o persoal, xusto antes do inicio da negociación do convenio. De igual xeito, os días 3 e 8 de abril o paro estenderase aos treitos da provincia de A Coruña.