Arredor dun cento de bombeiros de todos os parques do país participaron hoxe na concentración convocada ás portas da Deputación de Pontevedra para reclamar a readmisión de dous compañeiros do Porriño. Os traballadores/as, que levan máis de catro meses en folga, denuncian que a empresa que xestiona os parques provinciais segue sen garantir a estabilidade laboral.

A CIG sostén que Celta Prix, a empresa encargada da xestión dos parques comarcais de bombeiros da provincia de Pontevedra, incumpre o prego de condicións ao ter catro empregados/as menos dos que figuran nas bases do concurso público. Ao mesmo tempo, dende a central nacionalista anunciaron que denunciarán na Inspección de Traballo as deficiencias detectadas nos equipos de protección individual.

A folga que manteñen os bombeiros do parque comarcal do Porriño para esixir a readimisión dos compañeiros despedidos vén de superar os dous meses de duración. O pasado 11 de xullo decidían convocar un paro indefinido en solidaridade cos dous afectados, a quen a empresa lles comunicou un día antes do remate do período de proba que prescindía dos seus servizos alegando que o perfil non se adaptaba ás súas necesidades.

Os bombeiros do Porriño, Ribadumia e Vilagarcía iniciaron este luns unha folga indefinida en protesta polo despedimento de dous dos traballadores do parque porriñés e para reclamar estabilidade laboral. A empresa Celta Prix, encargada da xestión dos parques comarcais pontevedreses, decidiu prescindir dos seus servizos un día antes de que rematase o período de proba alegando que o perfil non se adaptaba ás súas necesidades e os afectados iniciaron peches e unha folga de fame.

Os bombeiros dos parques do Porriño e do Salnés decidiron convocar un paro indefinido para esixir a readmisión dos dous compañeiros despedidos un día antes de que rematase o seu período de proba. Os afectados permanecen en folga de fame dende o pasado venres e contan co peche solidario do cadro de persoal das dúas comarcas.

Os 14 integrantes do parque de Bombeiros do Porriño permanecen pechados nas instalacións do polígono das Gándaras para reclamar a readmisión de dous compañeiros que foron despedidos pola empresa Celta Prix un día antes de que rematase o seu período de proba sen mediar explicación. Coa protesta, á que xa se sumaron bombeiros do Salnés, demandan tamén maior estabilidade laboral.

Unha sentenza do Xulgado do Social número 1 de Pontevedra, contra a que non cabe recurso, vén de confirmar a persecución sindical exercida pola empresa que xestiona o parque comarcal de bombeiros do Morrazo contra o delegado de persoal da CIG. A decisión xudicial considera nula a sanción imposta por Celta Prix a Rubén Fraga ao entender que “se debeu ao intento por parte da empresa de represaliar a activa labor sindical do demandante” e obriga a compañía a abonarlle o salario que deixou de percibir no tempo que durou a suspensión de emprego e soldo.