A comparsa da CIG-Administración Autonómica “Pres@s da crise” aproveitou o martes de entroido para percorrer por sorpresa o complexo administrativo de San Caetano interpretando a canción "Freijolito quere recortar". A iniciativa enmárcase na campaña de denuncia dos continuos ataques que está a acometer a Xunta de Galiza contra os servizos e os empregados/as públicos/as.

A secretaria xeral de Presidencia, Beatriz Cuíña Barja, ordenou á policía impedir a entrada ao salón grande de San Caetano, que fora previamente reservado pola CIG, e expulsar aos representantes sindicais do edificio administrativo. A central anunciou que presentará unha demanda para a tutela xudicial do dereito á liberdade sindical

Máis de 500 empregadas/os públicas/os concentráronse no complexo administrativo de San Caetano, en Santiago, para esixirlle ao presidente da Xunta que rectifique e cese na campaña de desprestixio contra eles. Dende a xunta de persoal e o comité de empresa valoraron moi positivamente o seguimento obtido por unha protesta convocada para rexeitar as declaracións de Feijóo nas que poñía en dúbida a súa profesionalidade e criticaron que se negase a recibilos, polo que optaron por entregarlle a través do Rexistro o escrito que se leu ao final.

O martes 9 de setembro ás 11.30 partirá desde o Parlamento Galego unha marcha dos traballadores e traballadoras do 112, que chegará a San Caetano ás 12.30 da mañá. Neste edificio administrativo da Xunta terá lugar a entrega de máis de 4.000 sinaturas que estes traballadores e traballadoras levan recollendo en apoio das suas demandas.