Os traballadores de Francisco Parada agardan culminar mañá a súa peregrinación reivindicativa a Compostela, logo de catro xornadas de marcha para cubrir o camiño francés dende Sarria. Aínda que un dos traballadores tivo que abandonar a marcha tras a recomendación dos servizos sanitarios por mor das numerosas feridas que presenta nos pés, os outros dous operarios continúan a súa protesta a bo ritmo.

Con moito ánimo, algo de sorte co tempo e moita, moita forza de vontade, os tres traballadores da empresa Francisco Parada que o mércores iniciaron o camiño de Santiago avanzan na súa marcha cara a Compostela para esixir o cobro de todos os atrasos salariais pendentes e denunciar a actitude irresponsábel dun empresario que se preocupa máis por gastar os cartos en querelas contra a CIG que por facer fronte as súas obrigas cos traballadores/as.

A Federación de Servizos da CIG quere lembrar, diante das últimas declaracións do propietario dos estabelecementos Francisco Parada, que os traballadores/as da empresa continúan sen cobrar os salarios atrasados e mesmo teñen pendente o cobro de varios meses correspondentes á baixa médica. O vindeiro mes de xullo terá lugar o xuízo pola demanda de extinción de contratos de seis empregados, aínda que as vistas polas catro demandas derivadas do impago dos salarios e os atrasos non terán lugar até 2011, polo que os traballadores cobrarán, como mínimo, un ano e medio máis tarde do que legalmente lles correspondería.

Delegados e delegadas da CIG concentraranse na tarde do martes 23 de marzo diante do estabelecemento de Francisco Parada, situado na céntrica rúa Fernando Macías de A Coruña, para reclamar o pagamento dos salarios que o empresario adebeda a boa parte dos traballadores/as. A protesta enmárcase no calendario de mobilizacións que a central iniciou hai máis dun mes para esixir ao empresario que faga fronte ás súas débedas.

Delegados e delegadas da CIG-Servizos repetiron as concentracións iniciadas hai unhas semanas diante da tenda de Francisco Parada no centro de A Coruña para demandar o pagamento dos atrasos salariais que o empresario adebeda a boa parte do seus traballadores e traballadoras. Dende a CIG-Servizos advirten que as protestas continuarán até que a empresa faga fronte a todas as súas débedas.

Os traballadores e traballadoras de Francisco Parada, empresa dedicada a comercialización e instalación de materiais de alta gama para cuartos de baños, continuaron na tarde deste mércores o calendario de mobilizacións para reclamar o pagamento dos atrasos salariais que o empresario adebeda a boa parte do cadro de persoal. Pola súa banda, o propietario da compañía respondeu as protestas contratando aos avogados máis caros de A Coruña “para que o axuden a non pagar as súas débedas”.

Os traballadores e traballadoras de Francisco Parada, empresa dedicada a comercialización e instalación de materiais de alta gama para cuartos de baños, iniciaron esta mañá un calendario de mobilizacións para reclamar o pagamento dos atrasos salariais que o empresario adebeda a boa parte do cadro de persoal. As protestas continuarán até que o propietario abone todas as contías atrasadas.