Os traballadores de Siemsa Galicia, empresa dedicada á montaxe e mantemento dos parques eólicos, iniciaron na tarde do venres 5 de marzo mobilizacións para denunciar a destrución masiva de postos de traballo e demandar información sobre o futuro da compañía, que vén de iniciar un proceso de creación de novas empresas para dividir as súas actividades.

Os traballadores de Inclima, empresa de frío industrial asentada en Narón, levan tres días en folga para reclamar o pagamentos dos atrasos salariais e a rescisión dos seus contratos. A empresa, que se atopa nunha situación económica problemática, leva sen facer fronte ás súas responsabilidade económicas cos 20 operarios dende o pasado mes de outubro, polo que a maioría do persoal tivo que recorrer á vía xudicial para solicitar a rescisión do contrato.

O Comité de Empresa de Siemsa Galicia informou da convocatoria de asemblea de traballadores/as o vindeiro 20 de febreiro, para avaliar as medidas a levar a cabo diante da continua redución do cadro de persoal que dende o pasado ano se vén rexistrando (perdéronse xa 160 postos de traballo), así como do proceso iniciado pola dirección para crear de novas empresas para dividir as actividades que engloban a Siemsa.

A fábrica de Rodycut Montenegro, que fai os troqueles rotativos para as caixas de cartón e poliuretano, e que contaba até hai unha semana con 70 traballadores/as, despediu a 7 persoas do seu persoal, alegando supostas causas estruturais e económicas. Das sete persoas despedidas nesta empresa de mecanizados hai algunha que conta máis de 16 anos de antigüidade, e desde a representación sindical sospeitan que poda haber máis despedimentos.

O xoves 26 de novembro está convocada a primeira das concentracións da asemblea de parados do Naval, que desde as nove da mañá e até as dez e media se mobilizarán diante do estaleiro de Barreras.

Os delegados de persoal de TEGSA, pertencentes á CIG, veñen de anunciar o inicio de mobilizacións no mes de decembro se a dirección non se avén a manter unha xuntanza para aclarar o futuro da empresa e presentar un plano de viabilidade. Os delegados sospeitan que a compañía, propiedade do grupo Gamesa Eólica, se está preparando para botar o peche e despedir aos 39 empregados cos que conta na actualidade.