Traballadores/as e parados/as do sector naval da CIG de Vigo retomaron hoxe as mobilizacións en defensa do sector cunha concentración diante do edificio administrativo da Xunta de Galiza -que tará continuidade todos os xoves- para reclamarlles aos Gobernos español e galego “a súa implicación real na busca dunha solución á grave crise que atravesa unha industria da que dependen milleiros de familias na comarca”.

Os xulgados da Coruña acolleron o mércores o xuízo contra a multinacional ThyssenKrupp Elevadores por despedir a un traballador ao que tiña como falso autónomo, logo de este que denunciara á compañía para se recoñecera a súa relación laboral como asalariado.

Os traballadores e traballadoras de Alstom están secundando este xoves unha xornada de folga en contra das pretensións da empresa de aplicar un ERE para o conxunto das plantas que a multinacional ten no estado español e que suporá unha redución brutal de persoal. Coincidindo co paro, os empregados/as de Galiza partían esta madrugada en autobús dende o Polígono de Río do Pozo (Narón) cara a Madrid para participar nunha manifestacións conxunta en rexeitamento aos plans da empresa.

O Comité de empresa de Vestas-Chavín vén de amosar o seu rexeitamento ás pretensións da empresa de impor, durante a negociación do novo convenio, unha maior flexibilidade da xornada laboral e unha rebaixa das percepcións, baixo a escusa de buscar máis competitividade. Neste senso, a representación social lembran que, dende o mes de outubro de 2012, na planta de Viveiro se incrementou case nun 20% máis o número de máquinas que saen e iso a pesar de contar con menos traballadores/as.

Un grupo de traballadores do naval vigués participou hoxe no pleno municipal para reclamar o apoio dos grupos políticos e denunciar a campaña de propaganda da Xunta do PP “porque os problemas do sector non se arranxan en México senón en Madrid e Bruxelas”. Un representante sindical compareceu na sesión para lembrar que se trata dunha industrial fundamenta para a comarca na que se pecharon unhas 200 empresas auxiliares e se destruíron máis de 10.000 empregos.

Traballadores e traballadoras de Navantia Ferrol e das empresas auxiliares continuaron este xoves coas mobilizacións e os paros de dúas horas para esixir carga de traballo e a construción do novo dique flotante. Nesta ocasión, as protestas desenvolvéronse no interior do propio estaleiro, que o persoal percorreu comezando pola área de reparacións, pasando polo peirao no que está rematándose o único buque en construción e concluíndo coa celebración dunha asemblea diante das oficinas da dirección (que foron ocupadas polos traballadores/as durante un anaco).

A CIG-Metal considera que a noticia do despedimento de 170 traballadoras da empresa T-Solar, situada no Parque Tecnolóxico de Galiza en Ourense, é “durisima” e insta ao goberno galego a que se involucre no problema e faga o posíbel para tratar de salvar os postos de traballo, xa que a empresa recibiu importantes axudas económicas das administración públicas e mesmo, nos últimos meses, medio millón de euros.