Os traballadores e traballadoras de MeteoGalicia realizaron hoxe un paro de media hora e unha nova concentración de protesta para solicitar a readmisión inmediata dos compañeiros/as despedidos o 30 de xuño, logo de que a firma que xestiona o servizo, Tragsatec, esgrimira “motivos de aforro económico”. O colectivo de traballadores/as considera que este argumento “carece de fundamento” e que o que incrementa os gastos “é manter o servizo a través de Tragsatec” xa que se trata dun “verdadeiro desperdicio de diñeiro público”.

Arredor de 30 traballadores/as de Meteogalicia e sindicalistas da CIG concentráronse hoxe diante da o edificio do CESGA, no Campus Sur de Santiago de Compostela, onde se reunía varios membro da Plataforma Tecnolóxica das TIC “Vindeira” convocados pola empresa de predición meteorolóxica. A reunión fora proposta por Meteogalicia para ofrecer ás TIC's novos servizos. Sen embargo, os traballadores/as aproveitaron a xuntanza para denunciar que coa redución do cadro de persoal “dificilmente se poida manter os servizos que se veñen prestando até o de agora”.

Arredor de medio cento de persoas participaron hoxe na concentración convocada diante da Consellería de Medio Ambiente en Santiago de Compostela para rexeitar os despedimentos en Meteogalicia. Representantes sindicais entregaron por rexistro un escrito solicitando unha xuntanza co conselleiro para explicarlle a precariedade que se vive no servizo tras o desmantelamento do 20% do seu cadro de persoal.

A CIG advertiu hoxe da delicada situación na que se atopa o servizo de predición metereolóxica Meteogalicia despois de que os seus responsábeis decidisen prescindir do 20% do persoal. Ao mesmo tempo, un empregado do organismo dependente da Consellería de Medio Ambiente denunciou a cesión ilegal de traballadores/as da empresa Tragsatec.

A CIG reclámalle á Xunta de Galiza que asuma a realidade e recoñeza o fracaso da súa política de loita contra o lume, ao tempo que aposta pola apertura de canles de participación de toda a sociedade co fin de implantar unha estratexia única que prime a prevención por enriba da extinción. Neste senso, critican o desmantelamento de instrumentos eficaces como o Voluntariado en Defensa do Monte ou a retirada das axudas aos Concellos para a súa limpeza, así como as condicións de precariedade e falta de medios nas que realiza o seu traballo o persoal das brigadas.

A Confederación Intersindical Galega vén de adherirse ao manifesto “O medio ambiente necesítate: Unidos contra a crise e o cambio climático”, elaborado con motivo do Día Mundial do Medio Ambiente 2009, que se celebrará este 5 de xuño. Así mesmo, ADEGA ten convocado o sábado 6 de en Compostela, un acto reivindicativo de 11 da mañá ás 13:00 horas na praciña de San Fiz de Compostela, durante o que se dará lectura ao texto e se repartirá material informativo referente a esta data.

En exclusiva para Avantar, disponibilizamos unhas imaxes da louseira de Valdeorras Ipisa, onde se pode ver a situación de dúas balsas  que supoñen un grave risco para todos/as os habitantes da comarca de Valdeorras, xa que a louseira está a botar ás aguas residuais sen depurar que se empregan na fabrica da Medua para o serrado da lousa diretamente a unha balsa feita no chan e sen illar como marca a lei. Nos próximos dias estas gravacións entregaranse nunha denuncia á Consellaria de Medio Ambiente, para que sexa coñecedora do que está a acontecer en Ipisa.