A crise, que Galiza padece con especial virulencia, está a provocar que as diferenzas de renda existentes entre a clase asalariada se agudicen, chegando a ser “escandalosas”. Así se recolle no traballo realizado por Natividade López Gromaz, responsábel do Gabinete Técnico de Economía, a partir dos últimos datos feitos públicos pola Axencia Tributaria, correspondentes ao ano 2010. Destes datos tírase ademais que a mocidade é a máis prexudicada, porque alén de baixos salarios, soporta unhas taxas de paro intolerábeis e contratos de escasa duración. Reproducimos, de seguido, esta análise.

No mes de outubro realizáronse en Ourense 4.599 contratos, dos que 4.188 (91.06%) foron temporais. Só 411 fixéronse baixo a modalidade de contrato indefinido . Así mesmo, o número de contratacións descenderon con respecto ao mes de setembro en 283, e 765 en comparación co mes de outubro do ano pasado.

A CIG cualifica como “altamente negativas” as medidas aprobadas polo Executivo no Consello de Ministros do pasado venres. Medidas que o secretario xeral, Suso Seixo, considera que van na liña do xa aprobado na reforma laboral, que pretenden unicamente “facilitar o despedimento, proporcionar ás empresas man de obra barata” e que denotan a “intencionalidade e a ideoloxía neoliberal do goberno”. Diante destes ataques á clase traballadora a CIG anuncia que continuará a mobilizarse para dar a estas medidas a resposta que merecen.

A CIG-Administración vén de denunciar as condicións de traballo que padecen os traballadores e traballadoras do Servizo de Prevención e Defensa contra Incendios Forestais (SPDIF). Persoal que xa estaba afectado polo anunciado Plan de Recorte de postos de traballo anunciado pola consellaría de Medio Rural e que xa foran denunciados en diversas ocasións pola CIG.

Os traballadores e traballadoras de MeteoGalicia realizaron hoxe un paro de media hora e unha nova concentración de protesta para solicitar a readmisión inmediata dos compañeiros/as despedidos o 30 de xuño, logo de que a firma que xestiona o servizo, Tragsatec, esgrimira “motivos de aforro económico”. O colectivo de traballadores/as considera que este argumento “carece de fundamento” e que o que incrementa os gastos “é manter o servizo a través de Tragsatec” xa que se trata dun “verdadeiro desperdicio de diñeiro público”.

Arredor de 30 traballadores/as de Meteogalicia e sindicalistas da CIG concentráronse hoxe diante da o edificio do CESGA, no Campus Sur de Santiago de Compostela, onde se reunía varios membro da Plataforma Tecnolóxica das TIC “Vindeira” convocados pola empresa de predición meteorolóxica. A reunión fora proposta por Meteogalicia para ofrecer ás TIC's novos servizos. Sen embargo, os traballadores/as aproveitaron a xuntanza para denunciar que coa redución do cadro de persoal “dificilmente se poida manter os servizos que se veñen prestando até o de agora”.

Arredor de medio cento de persoas participaron hoxe na concentración convocada diante da Consellería de Medio Ambiente en Santiago de Compostela para rexeitar os despedimentos en Meteogalicia. Representantes sindicais entregaron por rexistro un escrito solicitando unha xuntanza co conselleiro para explicarlle a precariedade que se vive no servizo tras o desmantelamento do 20% do seu cadro de persoal.