Nunha xuntanza mantida na mañá do mércores 15 de outubro, na que participaron máis de 60 delegados e delegadas da CIG de catorce empresas da automoción da Federación de Químicas, constituíuse a Coordenadora sindical para a automoción da Federación de Químicas. Ademais neste encontro presentáronse e debatéronse dez propostas de actuación fronte á crise na que se encontra o sector do automóbil, para mudar e axir na situación actual, que foron analizadas polo conxunto dos delegados e delegadas presentes das empresas do automóbil pertencentes á Federación de Químicas da CIG.