O consello da sociedade Pequeños y Medianos Astilleros en Reconversión (Pymar) decidiu por ampla maioría adherirse ao convenio de Vulcano, o que abre unha porta á supervivencia do estaleiro vigués, que evita deste xeito ter que ir á liquidación da empresa. O acordo contempla a quita do 80% da débeda do estaleiro con sede no barrio de Teis.

Os traballadores do estaleiro vigués Vulcano iniciaron este mediodía un peche no interior das instalacións que manterán até que se coñeza se a sociedade Pequeños y Medianos Astilleros en Reconversión (Pymar) acepta a quita do 80% das débedas do estaleiro. O encerro manterase mentres o comité de empresa non regrese de Madrid coa resolución do consello de Pymar. Os afectados tamén percorreron a rúa Sanjurjo Badía en manifestación.

Os sindicalistas da CIG e UGT que o mércores ás 10 da mañá iniciaron un peche no alto da Torre de Hércules acordaron continuar adiante coa medida de presión “aínda con máis forza”, logo de coñeceren que as obras previstas son de entidade menor e poderían realizarse co faro aberto ao público.

Un sindicalista da CIG e outro da UGT permanecen pechados dende ás 10 da mañá deste mércores no alto da Torre de Hércules en rexeitamento á decisión do Concello de pechar o faro temporalmente e despedir aos/ás 13 empregados que até agora se viñan ocupando das tarefas de limpeza, mantemento e atención ao público, sen garantirlle que serán subrogados unha vez se adxudique a nova contrata.

A policía desaloxaba, case ás tres da tarde, aos delegados/as da CIG-Ensino e doutras organizacións sindicais pechados desde as 11:30 horas na Consellaría de Educación e noutras dependencias da Xunta de Galiza. Co peche pretendían ser recibidos polo conselleiro e denunciar os recortes que está a padecer o ensino público, fronte ás contiosas subvencións que recibe o ensino privado.

Traballadores/as e delegados/as sindicais da CIG en distintas empresas do sector naval da Ría de Vigo protagonizaron hoxe un peche reivindicativo no Concello para reclamar unha solución á grave crise que padece unha industria fundamental para a economía da comarca. Dende a central nacionalista denuncian que a falta de vontade política do Goberno español e da Xunta de Galiza está a impedir a posta en marcha dun sistema alternativo ás bonificacións fiscais coñecidas como tax leax e animan aos demais empregados/as do sector a participar nunhas mobilizacións que terán continuidade nos vindeiros días.

Os traballadores/as de Isolux Naval de Vigo concentráronse hoxe ás portas de Metalships, empresa para a que realizan labores, nunha nova mobilización coa que reclaman a readmisión dun compañeiro despedido. A protesta, na que tamén participaron en sinal de solidariedade membros do comité e empregados/as de Metalships, desenvolveuse entre de 14.00 a 15.00 horas á entrada do estaleiro en Teis.