As primeiras horas da folga xeral convocada pola CIG para este xoves 27 de xaneiro están marchando co seguimento previsto pola central sindical, que ten centrado a súa acción naquelas empresas e actividades onde ten unha maior presenza e pode conseguir un maior seguimento do paro. En Vigo xa dende as primeiras horas da folga se rexistrou moi pouca actividade nos polígonos industriais e un tráfico reducido nas principais vías da cidade.

As tres centrais sindicais convocantes da folga indefinida na limpeza de edificios e locais da provincia de Pontevedra extenderon o 24 de novembro o conflito a todas aquelas persoas que traballen no sector da limpeza, xa que entregaron no rexistro unha nova convocatoria de folga, desta volta para todo o sector da limpeza o vindeiro 3 de decembro, mesmo para aquelas que teñen convenio propio, polo que o paro afectaría aos catro hospitais da provincia e tamén aos centros educativos públicos de toda Pontevedra, asi como todos os edificios das distintas administracións.

A primeira xornada de folga das traballadoras e traballadores afectados polo convenio provincial da limpeza en edificios e locais de Pontevedra foi cualificada como "moi positiva" polas centrais sindicais convocantes. Grupos de piquetes itinerantes e marchas pola cidade de Vigo visualizaron este conflito nas rúas e cara a cidadanía. Para o venres 14 de novembro están fixadas asembleas de traballadoras nos locais sindicais para decidir que vindeiras accións tomar para continuar a presionar á patronal "por un convenio digno da limpeza".

O responsábel do Comercio da CIG-Servizos da Coruña, Roberto Pérez Vila, denunciou en dependencias policiais as agresións das que foi obxecto por parte de vixilantes da compañía Prosegur no decurso da folga do 17 de outubro no Comercio vario da provincia. Outra traballadora, á que lle diagnosticaron unha escordadura nun dedo dunha man como consecuencia dos golpes recibidos, tamén presentou unha denuncia contra membros de Prosegur. Esta operaria ten o brazo en estribeira e inmobilizado e se atopa de baixa laboral.

Como "un grande éxito" cualificaba Paulo Rubido, secretario nacional da federación de Servizos da CIG, a primeira xornada de folga do Comercio vario da provincia da Coruña. Tal é así que nas cidades de Ferrol, A Coruña e Compostela pecharon entre o 90 e o 95% dos estabecelementos comerciais. Algúns iniciaron a xornada xa pechados. Outros, íanse sumando ao paso dos piquetes, que en Ferrol chegaron a ser de máis de 300 persoas, en Compostela rondar as 500 e na Coruña superar amplamente as 1000.