Xabier Santos resultou reelixido Secretario da Unión Local de Cee durante a IV Asemblea Local celebrada o pasado sábado 10 de xullo. Os delegados e delegadas asistentes ao proceso apoiaron de xeito unánime a candidatura para a nova Executiva local encabezada por Santos, quen subliñou durante a súa intervención que a CIG se ten convertido en 1ª forza sindical na Costa da Morte.

As Unión Locais da CIG de Cee e Carballo queren denunciar publicamente a instrumentalización partidista que o PSOE está a realizar do Pacto Territorial polo Emprego da Costa da Morte. A queixa chega logo de que o presidente do Pacto, e alcalde de Muxía, Félix Porto, convocase o vindeiro luns, 8 de marzo, aos integrantes da iniciativa (organizacións sindicais, grupos políticos e organizacións empresariais) para a presentación pública das propostas xurdidas no marco do Pacto e aprobadas polo goberno para o Plano de Reindustrialización.

Redución sistemática de servizos nas liñas regulares, nenos que viaxan nos buses escolares sen acompañante ou que chegan antes de tempo aos colexios sen que se faga cargo deles un adulto son exemplos das irregularidades que comenten as compañías Monbús e Grupo Vázquez na Costa da Morte.