O Comité de Albada acordou, durante a xuntanza celebrada esta tarde no edificio de sindicatos, convocar folga indefinida na planta de tratamento de residuos urbanos de Nostián, a partir das 21:00 horas do próximo domingo 10 de xullo.

Os traballadores e traballadoras da empresa pontevedresa Treves Galicia decidiron en asemblea continuar coa folga indefinida que manteñen dende o pasado martes día 8 de febreiro para reclamar a sinatura do convenio. As mobilizacións continuarán até que a auxiliar da automoción con sede no polígono do Campiño desbote a ERE extintivo que afecta a 47 persoas unha vez que os empregados/as rexeitaron a proposta da dirección de non facelo efectivo a cambio dunha conxelación salarial.

O persoal de Ambulancias Emersán Galicia continúa adiante coa folga indefinida iniciada o pasado martes en contra da política regresiva da empresa e contra dos incumprimentos reiterados das medidas de prevención e das condicións da contrata. Así mesmo, a CIG denunciou o xoves as actuacións realizadas por algúns/has xefes da área sanitaria de Ferrol, xa que estaban asumindo funcións propias do persoal en folga.

As traballadoras de limpeza dos colexios públicos de Vigo acordaron desconvocar a folga indefinida, como mostra de boa vontade e de disposición de diálogo logo de que, tras 23 días, na tarde deste xoves día 9 e no decurso da mañá deste venres día 10 de decembro se celebrara unha negociación que abre a posibilidade de chegar a un acordo entre as partes.

A FGAMT-CIG vén de comunicar que a partir do vindeiro 14 de decembro, os traballadores e traballadoras de ambulancias EMERSAN Galicia iniciarán unha folga indefinida en contra da política disciplinaria practicada pola empresa.

As traballadoras encargadas da limpeza dos colexios públicos de Vigo, en folga dende o día 15, denuncian a discriminación á que están a ser sometidas pola súa condición de mulleres, xa que os responsábeis da empresa rexeitan a súa euiparación laboral cos compañeiros homes. Sosteñen que se negan a aumentarlles a xornada laboral (a maioría traballa a tempo parcial e fai unha media de catro horas diarias) mentres contratan cristaleiros a xornada completa.

As limpadoras/es dos colexios públicos de Vigo, que se atopan en folga indefinida para reclamar melloras laborais, permaneceron toda a mañá deste xoves 18 pechadas na Concellería de Educación, no edificio do antigo reitorado da Universidade, para reclamar unha solución ao conflito. Alí berraron consignas como "Mulleres seremos pero na casa non nos quedaremos" ou "Solución á nosa xubilación" e reclaman a dimisión da concelleira de Educación viguesa. As afectadas/os rexeitan os servizos mínimos decretados polo alcalde (dun 50%) e denuncian que o Goberno local está a usar persoal alleo -empregados/as municipais incluídos- para realizar a limpeza dos centros, o que atenta contra o dereito á folga.