A Confederación Intersindical Galega manifesta o seu apoio á xornada de folga convocada para este mércores polas asociacións de xuíces e fiscais en contra dos proxectos de reforma do Consello Xeral do Poder Xudicial; a Lei Orgánica do Poder Xudicial; o taxazo xudicial; o reiterado recurso ao indulto e a alerta social que isto provoca, sobre todo en casos de corrupción; en demanda de medidas de protección para as persoas afectadas por execucións hipotecarias; contra a privatización dos rexistros civís e contra as “improvisadas” reformas do Código Penal.

A CIG compareceu en rolda de prensa, xunto con outras 20 organizacións sociais, políticas e sindicais, para denunciar o prexuízo que supón a aplicación das novas taxas xudiciais impostas polo Partido Popular. A Secretaria da Muller da CIG, Margarida Corral, que asistiu en representación da central nacionalista, denunciou na súa intervención que a lei 10/2012 pon en cuestión o Estado de Dereito, ao limitar o acceso ao dereito fundamental á tutela xudicial efectiva.

A plataforma sindical de Xustiza promoveu hoxe un apagón informático simbólico e concentracións nos centros de traballo para rexeitar a retirada da paga extra e denunciar a implantación dun sistema xudicial “para ricos”. Os afectados/as anuncian que nos vindeiros días levarán a cabo protestas máis contundentes ante o anuncio do Goberno español de rebaixarlles aínda máis os salarios os empregados/as públicos/as.

Centos de traballadores/as da administración de xustiza e cidadáns/ás secundaron este mércores as mobilizacións convocadas diante dos distintos xulgados e oficinas en contra da lei de taxas xudiciais imposta polo Goberno español e a privatización do Rexistro Civil que prepara o PP. As protestas continuarán o vindeiro xoves 20 de decembro, cun “apagón dixital” co que se pretende que o persoal deixe de traballar cos equipos informáticos durante 30 minutos.

A Executiva Confederal da CIG manifesta a súa máis absoluta repulsa pola sentenza de tres anos e un día de prisión contra Marcos Cadórniga, liberado sindical de CIG-Servizos, Carlos Alján, delegado da central sindical en Froiz e o sindicalista de CCOO Carlos Búa, pola súa particiación na folga de comercio de alimentación en 2009. Unha sentenza que a Executiva considera absolutamente desmedida e que entende que ten como obxectivo criminalizar o sindicalismo e limitar a súa capacidade de actuación na defensa dos dereitos das traballadoras e traballadores.

Os sindicatos CIG, CCOO e CSIF denunciaron hoxe a amortización (eliminación) de 106 prazas de persoal funcionario nos Xulgados o país, o que “afondará no deterioro do sistema xudicial”, de igual xeito que a redución do número de partidos xudiciais. Ao mesmo tempo, consideran que co incremento das taxas o Goberno español pretende instaurar “unha Xustiza só para ricos”.

A CIG-Xustiza vén de denunciar a situación de “caos” que está a padecer a Subdirección de A Coruña do Imelga (Instituto de Medicina Legal de Galiza) debido ao incumprimento de funcións por parte tanto da Dirección como da Subdirección. Esta situación, explican, provocou nos últimos tempos a “fuxida” de varios médicos/as forenses a outros destinos, ao mesmo tempo que as baixas laborais por estrés son cada vez máis frecuentes.